Popular Bible Verses from Luke 6

Share

Мийаты, пӑ нын па мӑԓайты: йӑм мŏртән, йовԓәм, иԓ тыԋхәм, щурщаӈа пŏнәм тэԓәӈ мŏртән хŏхәнԓәна шŏшәмԓайты; мўй сыр мерайән пŏнԓәты, щимәщ мерайән нынана пŏнты питԓа".

Сӑмәԓ йӑм хŏйат сӑмәԓән шавиты йӑмәԓ этәԓтәԓ, ԉикәӈ хŏйат сӑмәԓән тӑйты ԉикәԓ этәԓтәԓ, хŏйат тэԓәӈ сӑмәԓ эԓты ԓўв ўӈԓәԓ пŏтәртәԓ".

Туп нынан нўрмәԓтты хŏйатԓән мосман тӑйаԓән, йӑм вер вераты пӑ, нэмәԓты йŏхԓы ӑт хоӈәтман, артнайа мийаты; щишән нынан мойԓәпса вŏԓаӈ питәԓ, пӑ Нўм Турәм ԋаврэма уԓты питԓәты; Ԓўв кўш йӑм ӑт нумты хŏйатәт пеԓа, кўш ԉикәӈ хŏйатәт пеԓа и хŏрпийа сӑмәӈ.

Щиӈәԋща хŏйатәт пеԓа сӑмәӈа уԓаты, хŏты Турәм Ащан сӑмәӈ.

Аԓ сўтытаты пӑ нынан нэмәԓты хŏйат сўтәтты ӑт питәԓ. Аԓ ԋухмантаты, пӑ нын эԓтан нэмәԓты хŏйат ԋухматты ӑт питәԓ. Нўр аԓ нуматы, пӑ нын нўрԓән ищи йŏрэмәԓайәт.

"Нынана, Мӑнэм хуԓәтты ŏтәта, пŏтәртԓәм: нынан нўрмәԓтты хŏйатԓән мосман тӑйаԓән, йӑм вер вераты щи хŏйатәта, хŏйән нын ԉикән этԓайты, нынан эӈкәрты ŏтԓәна Турәм эԓты йӑмән вохаԓән, пӑ нынана атәм верты хŏйатәт урәӈән, пойәкщаты.

Хŏты ԓӑӈхаԓайты, нын пиԓәнән хŏйатәт ат усәт, щиты ԓыв пиԓԓаԓән нын уԓаты.

Веш пўӈԓэн эԓты рэскийәм ŏтэна, кимет веш пўӈԓэн па шӑши, эԓты ԓумтәмен эхты ŏтэна, ԓыпи йэрнасэн ўты па аԓ йэрты. Кашәӈ нӑӈ эԓтэн вохты хŏйата, мўй вохәԓ, мийи, пӑ нӑӈ ŏтэн ўйәм xŏйат эԓты ŏтэн йŏхԓы аԓ вохи.

И йӑм йўх атәм ԓэвпәс ӑт энмәԓԓәԓ; пӑ и вевтам йўх йӑм ԓэвпәс ӑт энмәԓԓәԓ

кашәӈ йўх ԓўв энмәԓтәм ԓэвпәсԓаԓ эԓты уйәтԓа. Пеԓантыты варәс эԓты смоква вощтŏт ӑт ӑкәтԓа пӑ варәс пŏхәл эԓты – виноград ӑт ӑкәтԓа.