Popular Bible Verses from ရူဝ်းမႃႉ 10

Share

ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ ပေႃး​မႂ်း​ဢဝ်​တင်း​သူပ်း​ႁပ်ႉ​တုင်း​ဢဝ်​ၸဝ်ႈ​ၶရိၸ်ႈ​လႄႈ ယုမ်ႇ​မၢတ်ႈ​လွင်ႈ​ဢၼ်​ၽြႃး​ပဵၼ်​ၸဝ်ႈ​ႁႂ်ႈ​မၼ်း​ၸဝ်ႈ​လုၵ်ႉ​သေ​ၵႃႈ​တီႈ​တၢင်း​တၢႆ​ၶိုၼ်း​မႃး​ၼၼ်ႉ ၵႃႈ​ၼႂ်း​ႁူဝ်​ၸႂ်​မႂ်း​ၸိုင်၊ မႂ်း​တၵ်း​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။

လႆႈ​ဢဝ်​တင်း​ႁူဝ်​ၸႂ်​ယုမ်ႇ​မၢတ်ႈ ႁႂ်ႈ​လႆႈ​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​ဢေႃႈ။ လႆႈ​ဢဝ်​တင်း​သူပ်း​ႁပ်ႉ​တုင်း​ဢဝ် ႁႂ်ႈ​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။

ပိူဝ်ႈ​ၼႆ​လႄႈ​တၢင်း​ယုမ်ႇ​မၢတ်ႈ​ပဵၼ်​ၵွပ်ႈ​ပိူဝ်ႈ​တၢင်း​ဢၼ်​လႆႈ​ထွမ်ႇ​လႆႈ​ငိၼ်း​ဢေႃႈ။ ပဵၼ်​ၵွပ်ႈ​ပိူဝ်ႈ​ၵႂၢမ်း​ၽြႃး​ပဵၼ်​ၸဝ်ႈ​ဢေႃႈ။

ဢၼ်​မႃး​ၼႂ်း​ၵျၢမ်း​လိၵ်ႈ​လႄႈ​ဝႃႈ​ၸမ်ႉ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ဢိင်​ပိုင်ႈ​မၢၵ်ႇ​ႁိၼ်​ၼၼ်ႉ​ၸမ်ႉ၊ ဢမ်ႇ​မီး​တၢင်း​ဢၼ်​လီ​ဢူၵ်း​လီ​ဢၢႆ​လႆႈ၊ ဝႃႈ​ၼင်ႇ​ၼႆ​ဢေႃႈ။- ၵူၼ်း​မဵဝ်း​ ယူႉတႃႉ ​သေ​ဢမ်ႇ​ဝႃႈ၊ ၵူၼ်း​မဵဝ်း​ ႁေႇလသႃႉ ​သေ​ဢမ်ႇ​ဝႃႈ၊ ယင်း​ဢမ်ႇ​ပႅၵ်ႇ​ဢမ်ႇ​ပိူင်ႈ​ၵၼ်​လႄႈ၊ ၸဝ်ႈ​ဢၼ်​ဢုပ်ႉ​ပိူင်ႇ​ၵူၼ်း​တင်း​လၢႆ​ၼၼ်ႉ မီး​သူႇ​လဵဝ်​ပႃး​လဵဝ်​ၵူၺ်း​လႄႈ ပျေႉ​ၸုမ်ႇ​တဵမ်​ဝႆႉ​တင်း​ၵျေး​ၸူး တီႈ​ၶဝ်​ၸိူဝ်း​ဢၼ်​ႁဵတ်း​သူး​တွင်း​ပထၼႃႇ​တီႈ​မၼ်း​ၸဝ်ႈ ၵႃႈ​မီး​တင်း​သဵင်ႈ​တင်း​လူင်​ၼၼ်ႉ​ဢေႃႈ။- လွင်ႈ​မၼ်း​ၸမ်ႉ ၶဝ်​ၸိူဝ်း​ဢၼ်​ႁဵတ်း​သူး​တွင်း​ပထၼႃႇ​တီႈ​ၼႃႇ​မႃႉ​ၸိုဝ်ႈ​သဵင်​ထႃႇဝရႃႉ​ၽြႃး ၵႃႈ​မီး​တင်း​သဵင်ႈ​တင်း​လူင်​ၼၼ်ႉ တၵ်း​လႆႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ဢေႃႈ။

ပေႃး​ဢမ်ႇ​ပွႆႇ​ၸႂ်ႉ​ၵူၼ်း​ၵႂႃႇ​ၸိုင် တၵ်း​ႁေႃး​လၢတ်ႈ​လႆႈ​ၸိူဝ်ႉ​ၼင်ႇ​ႁိုဝ်။ မႅၼ်ႈ​ၼင်ႇ​ၼၼ် ၵျၢမ်း​လိၵ်ႈ​မႃး​လႄႈ​ဝႃႈ​ၸမ်ႉ တိၼ်​ၶဝ်​ၸိူဝ်း​ဢၼ်​မွၵ်ႇ​လၢတ်ႈ​သတၢင်း​သိူဝ်း​ပျေႃႇ​တၢင်း​ၼိမ်၊ သတၢင်း​သိူဝ်း​ပျေႃႇ​ၵတ်း​ယဵၼ်​ၶျၢမ်း​သႃႇ​တၢင်း​လီ​ၼၼ်ႉ ႁၢင်ႈ​လီ​ၼႃႇ​လူင်​လၢင်​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၼႂ်း​ဝႃႈ​ၼၼ်​သေ​ၵေႃႈ ပေႃး​ဢမ်ႇ​ယုမ်ႇ​မၢတ်ႈ​ၸိုင် တၵ်း​ႁဵတ်း​သူး​တွင်း​ပထၼႃႇ​လႆႈ​ၸိူဝ်ႉ​ၼင်ႇ​ႁိုဝ်။ ပေႃး​ဢမ်ႇ​ငိၼ်း​သတၢင်း​ၸိုင် တၵ်း​ယုမ်ႇ​မၢတ်ႈ​လႆႈ​ၸိူဝ်ႉ​ၼင်ႇ​ႁိုဝ်။ ပေႃး​ဢမ်ႇ​မီး​ၵေႃႉ​ဢၼ်​ႁေႃး​လၢတ်ႈ​ၸိုင် တၵ်း​ငိၼ်း​လႆႈ​ၸိူဝ်ႉ​ၼင်ႇ​ႁိုဝ်။

လွင်ႈ​ၼင်ႇ​ႁိုဝ်​ၶဝ်​ၸိူဝ်း​ဢၼ်​ယုမ်ႇ​မၢတ်ႈ​ၵႃႈ​မီး​တင်း​သဵင်ႈ​တင်း​လူင် တၵ်း​ႁွတ်ႈ​ထိုင်​တၢင်း​ဢၼ်​သိုဝ်ႈ​တေႃႇ​ၸိုင်၊ ၸဝ်ႈ​ၶရိၸ်ႈ​ပဵၼ်​တီႈ​သုတ်း​တီႈ​ၵွႆ​ပိင်း​ၺၢပ်ႈ​တြႃး​ဢေႃႈ။