Popular Bible Verses from မၢတ်ႈထႄႇ 2

Share

ၶဝ်ႈ​ၵႂႃႇ​ၵႃႈ​ၼႂ်း​ႁိူၼ်း​လႄႈ ထူပ်း​ႁၼ်​လုၵ်ႈ​ဢွၼ်ႇ​တင်း​မႄႈ​ၸဝ်ႈ​ မႃႇရီႉ ​သေ​ယဝ်ႉ၊ ၶုပ်ႉ​မူပ်ႇ​ဝႆႈ​လႄႈ ဢဝ်​ၽၼ်ႇတႃႇ ဢုၵ်ႉ​ၸႃႇ​ၶဝ်​ဢွၵ်ႇ​ယဝ်ႉ​ၸင်ႇ၊ ဢဝ်​ၶမ်း ဢိၵ်ႇ​တင်း လေႃႇပၢၼ်ႇ တင်း​ မူႉရၼ်ႇ ၵၢပ်ႈ​ပုၵ်ႈ​ၸေႃႇ​ဢေႃႈ။

ၼႂ်း​ၸူဝ်ႈ​ပၢၼ်​ၶုၼ်​ႁေႃ​ၶမ်း ႁေႇရူတ်ႈ ​ၼၼ်ႉ၊ ယေႇသူႉ ​ၶၢမ်ႇ​တၢင်း​ဢၼ်​ၵိူတ်ႇ​လဵင်ႉ ၵႃႈ​တီႈ​ၼႂ်း​ဝဵင်း​ ပႅတ်ႉလႁႅမ်ႇ မိူင်း​ ယူႉတႃႉ ​ယဝ်ႉ​ၸင်ႇ၊ မႃႇ​ၵူႉ​ပိင်ႇ​ၺႃႇ​သီႉ​ၶဝ် လုၵ်ႉ​သေ​ၵႃႈ​တီႈ​မိူင်း​တၢင်း​ဝၼ်း​ဢွၵ်ႇ ႁွတ်ႈ​မႃး​ၵႃႈ​တီႈ​ဝဵင်း​ ယေႇရူႉသလႅမ်ႇ ​လႄႈ တွင်ႈ​ထၢမ်​ဝႃႈ၊- ၶုၼ်​ႁေႃ​ၶမ်း​ ယူႉတႃႉ ဢၼ်​ၵိူတ်ႇ​လဵင်ႉ​မႃး​ၼၼ်ႉ မီး​ၵႃႈ​တီႈ​လႂ်​ၶႃႈ။ ပိူဝ်ႈ​ဢၼ်​ႁဝ်း​ၶႃႈ​လႆႈ​ႁၼ် လၢဝ်​မၼ်း​ၸဝ်ႈ ၵႃႈ​တီႈ​မိူင်း​တၢင်း​ဝၼ်း​ဢွၵ်ႇ​ပုၼ်ႉ​လႄႈ ႁဝ်း​ၶႃႈ​ႁွတ်ႈ​မႃး​ႁႂ်ႈ​လႆႈ​ဝႆႈ​ပုၵ်ႈ​ၸေႃႇ တီႈ​မၼ်း​ၸဝ်ႈ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၶဝ်​ၸိူဝ်း​ၼၼ်ႉ မိူဝ်ႈ​ဢၼ်​ႁၼ်​လၢဝ်​ၼၼ်ႉ​ၸိုင် သိူဝ်း​ၸူမ်း​ၼႃႇ​လူင်​လၢင်​လႄႈ၊

လိုၼ်း​ၼၼ်ႉ လွင်ႈ​ၼင်ႇ​ႁိုဝ်​တၵ်း​ဢမ်ႇ​လႆႈ​ၶိုၼ်း​မိူဝ်း​ၸူး​ၵႃႈ​တီႈ​ၶုၼ်​ႁေႃ​ၶမ်း ႁေႇရူတ်ႈ ​ၸိုင်၊ ၶဝ်​လႆႈ​ပျႃႇ​တိၵ်ႈ​ၸဝ်ႈ ၼႂ်း​တၢင်း​ဢၼ်​ၼွၼ်း​ၽၼ်​လႄႈ ၶိုၼ်း​မိူဝ်း​ၵႂႃႇ​ၵႃႈ​တီႈ​မိူင်း​ၶဝ်​ပုၼ်ႉ သဵၼ်ႈ​တၢင်း​တၢင်ႇ​သဵၼ်ႈ​သေ​ဢေႃႈ။ ဝၢႆး​သေ​ၶဝ်​ၸိူဝ်း​ၼၼ်ႉ​မိူဝ်း​ၵႂႃႇ​ယဝ်ႉ၊ တမၢၼ်ႇ​ၵၢင်​ႁၢဝ်​ထႃႇဝရႃႉ​ၽြႃး ပေႃႇ​မႃး​တီႈ​ ယူဝ်းသႅပ်ႈ ၼႂ်း​တၢင်း​ဢၼ်​ၼွၼ်း​ၽၼ်​လႄႈ​ဝႃႈ၊ လုၵ်ႉ​တႃႉ။ ဢဝ်​လုၵ်ႈ​ဢွၼ်ႇ​တင်း​မႄႈ​ၸဝ်ႈ ပၢႆႈ​ၵႂႃႇ​ၵႃႈ​တီႈ​မိူင်း ဢေႇၵိပ်ႉတူႉ ​ပုၼ်ႉ​လႄႈ ယူႇ​ၵႃႈ​တီႈ​ၼၼ်ႈ တေႃႇ​ထိုင်​ႁွတ်ႈ​ၸူဝ်ႈ​ဢၼ်​ၵဝ်​ဢမ်ႇ​ပႆႇ​ၶိုၼ်း​လၢတ်ႈ​တီႈ​မႂ်း​ၼၼ်ႉ​တႃႉ။ ၶုၼ်​ႁေႃ​ၶမ်း ႁေႇရူတ်ႈ ​တၵ်း​ႁႃ​လုၵ်ႈ​ဢွၼ်ႇ​ၼႆႉ ႁႂ်ႈ​လႆႈ​ဢဝ်​တၢႆ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။