Popular Bible Verses from လူႉၵႃႇ 8

Share

ၶဝ်ႈ​ၸိူဝ်း​ဢၼ်​မီး​ၵႃႈ​တီႈ​လိၼ်​ဢၼ်​လီ​ၼၼ်ႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ်​မီး​ၸႂ်​ဢၼ်​မူတ်း​သႂ်​လႄႈ​သိုဝ်ႈ​တေႃႇ​ယူႇ​သေ​လႄႈ လႆႈ​ငိၼ်း​ၵႂၢမ်း​တြႃး​ယဝ်ႉ​ၸင်ႇ၊ ၸႂ်​ၸပ်း​ၸႂ်​ၸွႆး​လႄႈ မၢၵ်ႇ​မၢၵ်ႇ​မၼ်း​မႃး​မၼ်ႈ​မၼ်ႈ​ၶိူင်ႇ​ၶိူင်ႇ​ဢေႃႈ။

ၶဝ်ႈ​ၸိူဝ်း​ဢၼ်​မီး​ၼႂ်း​တူၼ်ႈ​ၼၢမ်​ၼၼ်ႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ်​လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ ၸူဝ်ႈ​ဢၼ်​ၶဝ်​ယင်း​တိုၵ်ႉ​ၵႂႃႇ​ယူႇ​ၼၼ်ႉ၊ လႆႈ​ၶၢမ်ႇ​လွင်ႈ​တၢင်း​ဢၼ်​မႆႈ​ၸႂ်​ၶီ​ၸႂ်၊ တၢင်း​ဢၼ်​ၸေး​ၸိမ်ႇ​လိူင်ႇ​ၸႂ်၊ တၢင်း​ဢၼ်​ၸၢမ်ႇ​ၸႃး​ၵႃႇမၵုင်ႇ​ၸိူဝ်း​ဢၼ်​ၸၢပ်ႈ​သႅင်ႇ​ၵၼ်​တင်း​လေႃးၵႃႉ​ၼႆႉ​တင်း​လၢႆ ႁူမ်ႇ​မုင်း​ငႅၼ်း​သႄး​ၶဝ်​ယူႇ​ၼၼ်ႉ​လႄႈ ဢမ်ႇ​မၢၵ်ႇ​မၢၵ်ႇ​ဢၼ်​လီ​လႆႈ။

ၶဝ်ႈ​ၸိူဝ်း​ဢၼ်​မီး​ၵႃႈ​ၼိူဝ်​မၢၵ်ႇ​ႁိၼ်​ၼၼ်ႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ်​လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ ပိၵ်ႉ​သမ်ႉ​မီး​တင်း​ၸႂ်​ဢၼ်​သိူဝ်း​ၸူမ်း​ၼႃႇ​ႁပ်ႉ​တုင်း​ဢဝ်​သေ​ၵေႃႈ ဢမ်ႇ​မီး​ႁၢၵ်ႈ​မၼ်း​ၵႃႈ​ၼႂ်း​ႁူဝ်​ၸႂ်​ၶဝ်​လႄႈ ယုမ်ႇ​မၢတ်ႈ​ၵမ်း​ဢွၼ်ႇ​ၼိုင်ႈ​ၵူၺ်း​သေ​ယဝ်ႉ၊ မိူဝ်ႈ​ဢၼ်​လႆႈ​ၶၢမ်ႇ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၸိုင်၊ ၽွၵ်ႈ​ပျၢၼ်ႇ​ၶိုၼ်း​ၵႂႃႇ​ဢေႃႈ။

မၼ်း​ၸဝ်ႈ​ၵေႃႈ​ထၢမ်​လႄႈ​ဝႃႈ၊ တၢင်း​ဢၼ်​ယုမ်ႇ​မၢတ်ႈ​သူ​မီး​ၵႃႈ​လႂ်၊ ဝႃႈ​ၼင်ႇ​ၼႆ​သေ​ယဝ်ႉ၊ ၶဝ်​ၼၼ်ႉ​ၵူဝ်​ၼႃႇ​ဢၢမ်း​ၼႃႇ​လူင်​လၢင်​လႄႈ ၵေႃႉ​ၼိုင်ႈ​လႄႈ​ၵေႃႉ​ၼိုင်ႈ လၢတ်ႈ​ၵၼ်​လႄႈ​ဝႃႈ၊ ၵေႃႉ​ၼႆႉ​ၸမ်ႉ၊ ပဵၼ်​ၽူႈ​လႂ်။ မၼ်း​သင်ႇ​သွၼ်​ၼမ်ႉ​တင်း​လူမ်း​လႄႈ ၶဝ်​ထွမ်ႇ​ဢဝ်​လူင်​ပႄႇ၊ ဝႃႈ​ၼင်ႇ​ၼႆ​ဢေႃႈ။

ၶဝ်​ၸိူဝ်း​ဢၼ်​မီး​ၵႃႈ​တီႈ​ႁိမ်း​တၢင်း​ၼၼ်ႉ​ၸမ်ႉ၊ ပဵၼ်​ၶဝ်​ၸိူဝ်း​ဢၼ်​လႆႈ​ငိၼ်း​ၵႂၢမ်း​တြႃး​ယဝ်ႉ​လႄႈ ၼင်ႇ​ႁိုဝ်​ၶဝ်​တၵ်း​ဢမ်ႇ​လႆႈ​ယုမ်ႇ​မၢတ်ႈ​လႄႈ​ႁွတ်ႈ​ထိုင်​တၢင်း​ဢၼ်​ၵႄႇ​ၶျွတ်ႈ​ဢဝ်​ၸိုင်၊ မႃႇၼၢတ်ႈ​မႃး​လႄႈ ထူၺ်ႈ​ဢဝ်​ၵႂၢမ်း​တြႃး​ၵႃႈ​ၼႂ်း​ႁူဝ်​ၸႂ်​ၶဝ်​ၼၼ်ႉ​ဢွၵ်ႇ​ပႅတ်ႈ​သေ​ဢေႃႈ။

လွင်ႈ​တၢင်း​ဢၼ်​မီး​ၼႂ်း​တီႈ​ဢၼ်​လပ်ႉ​ဢၼ်​သိူင်ႇ​ဢၼ်​တၵ်း​ဢမ်ႇ​ထၢင်ႇ​ဢမ်ႇ​သႃး​မႃး​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။ လွင်ႈ​တၢင်း​ဢၼ်​သိူင်ႇ​ဝႆႉ​မႅပ်ႉ​ဝႆႉ ဢၼ်​တၵ်း​ဢမ်ႇ​လႆႈ​ၶၢမ်ႇ​တၢင်း​ဢၼ်​ပိုတ်ႇ​ၼႄ​လႄႈ​ထၢင်ႇ​သႃး​မႃး​ၼၼ်ႉ ဢမ်ႇ​မီး​သေ​ၸိူဝ်ႉ​သေ​ပိူင်။

မႄႈ​ယိင်း​ၼၼ်ႉ မိူဝ်ႈ​ဢၼ်​မၼ်း​ႁူႉ​လွင်ႈ​ဢၼ်​မၼ်း​ဢမ်ႇ​တဵတ်ႇ​ဢမ်ႇ​မႅပ်ႉ​ယူႇ​လႆႈ​ၼၼ်ႉ​ၸိုင်၊ သၼ်ႇ​ဝႆ​ယူႇ​သေ​လႄႈ​မႃး​တီႈ​မၼ်း​ၸဝ်ႈ​ယဝ်ႉ​ၸင်ႇ၊ ၶုပ်ႉ​မူပ်ႇ​လႄႈ​လဝ်ႊ​လၢတ်ႈ​လွင်ႈ​ဢၼ်​မၼ်း​တိူဝ်ႉ​ယိပ်း​မၼ်း​ၸဝ်ႈ ၵွပ်ႈ​ပိူဝ်ႈ​လွင်ႈ​ၸိူဝ်ႉ​ၼင်ႇ​ႁိုဝ် ဢိၵ်ႇ​တင်း​လွင်ႈ​ဢၼ်​တၢင်း​ပဵၼ်​မၼ်း​ႁၢႆ​ၵမ်း​လဵဝ်​ၼၼ်ႉ ၵႃႈ​တီႈ​ၽၢႆႇ​ၼႃႈ​ၵူၼ်း​တင်း​သဵင်ႈ​တင်း​လူင်​ဢေႃႈ။- မၼ်း​ၸဝ်ႈ​ၵေႃႈ​လၢတ်ႈ​တီႈ​မၼ်း​လႄႈ​ဝႃႈ၊ လုၵ်ႈ​ယိင်း​ၵဝ်​ဢိူၺ်း၊ ယႃႇ​ပေ​မႆႈ​ၸႂ်။ တၢင်း​ယုမ်ႇ​မၢတ်ႈ​မႂ်း​ႁႂ်ႈ​တၢင်း​ပဵၼ်​မႂ်း​ႁၢႆ​ယဝ်ႉ။ ၵႂႃႇ​ၼိမ်​ၼိမ်​တႃႉ၊ ဝႃႈ​ၼင်ႇ​ၼႆ​ဢေႃႈ။

ၶဝ်​ၼၼ်ႉ​သုတ်ႉ​ၸပ်း​သုတ်ႉ​ၸူး​လႄႈ ပူၵ်း​မၼ်း​ၸဝ်ႈ​ယဝ်ႉ​ၸင်ႇ၊ လဝ်ႊ​လၢတ်ႈ​လႄႈ​ဝႃႈ၊ ၸဝ်ႈ​ႁဝ်း၊ ၸဝ်ႈ​ႁဝ်း၊ ႁဝ်း​ၶႃႈ​ၸမ်​တၵ်း​ႁွတ်ႈ​ထိုင်​တၢင်း​လူႉ​တၢင်း​လႅဝ်​ၶႃႈ​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၼၼ်ႉ​ၸိုင်၊ မၼ်း​ၸဝ်ႈ​လုၵ်ႉ​လႄႈ​သင်ႇ​သွၼ်​လူမ်း​ဢိၵ်ႇ​တင်း​တၢင်း​ဢၼ်​လႅင်း​ၼမ်ႉ​ပိူပ်ႈ​ၼမ်ႉ​လုၵ်ႉ​ၶိုၼ်ႈ​ၼၼ်ႉ​သေ​ယဝ်ႉ၊လူမ်း ဢိၵ်ႇ​တင်း​တၢင်း​ဢၼ်​လႅင်း​ၼမ်ႉ​ပိူပ်ႈ​ၼမ်ႉ​ၸိူဝ်း​ၼၼ်ႉ​ထၢတ်ႇ​ယဵၼ်​လႄႈ ပၢင်ႇ​ၸိုၼ်ႈ​ၼိမ်​လီ​မႃး​ဢေႃႈ။