Popular Bible Verses from လူႉၵႃႇ 6

Share

ပၼ်​တီႈ​ပိူၼ်ႈ​တၢင်ႇ​ၵေႃႉ​တႃႉ။ ပေႃး​သူ​ပၼ်​ၸိုင်၊ ပိူၼ်ႈ​တၢင်ႇ​ၵေႃႉ​ၼၼ်ႉ တၵ်း​ပၼ်​တီႈ​သူ​ဢေႃႈ။ တၢင်း​ဢၼ်​တူင်​ပဵင်း​တဵမ်​တဵမ်​ၵူၺ်း​ဢမ်ႇ​ၵႃး၊ တၢင်း​ဢၼ်​သတ်ႉ​ၼဵၵ်း​ယူႇ၊ သၼ်ႇ​ၶွၼ်း​ယူႇ၊ လူၼ်ႉ​လိူဝ်​ယူႇ​ၼၼ်ႉ​ၸိုင်၊ ၶဝ်​တၵ်း​ပၼ်​ၵႃႈ​ၼႂ်း​ႁူဝ်​ဢူၵ်း​သူ​ဢေႃႈ။ သူ​ပၼ်​တီႈ​ပိူၼ်ႈ​ဢၼ်​တူင်​ဢၼ်​တႅၵ်ႈ​ၵႃႈ​ႁိုဝ်​သေ​ဢမ်ႇ​ဝႃႈ၊ သူ​တၵ်း​လႆႈ​ၶၢမ်ႇ ၵႃႈ​ၼင်ႇ​ဢၼ်​တူင်​ဢၼ်​တႅၵ်ႈ​ၼၼ်ႉ​ဢေႃႈ။

ၵေႃႉ​ဢၼ်​လီ​ၼၼ်ႉ​ၸိုင်၊ ၸၢင်ႈ​ဢဝ်​လွင်ႈ​တၢင်း​ဢၼ်​လီ​ၵႃႈ​ၼႂ်း​တိူၵ်ႈ​ၽၼ်ႇတႃႇ​ႁူဝ်​ၸႂ်​ဢၼ်​လီ​မၼ်း​ၼၼ်ႉ​ဢွၵ်ႇ​လႄႈ ၼႄ​ပျႃး​ဢေႃႈ။ ၵေႃႉ​ဢၼ်​ႁၢႆႉ​ၼၼ်ႉ​ၸိုင်၊ ၸၢင်ႈ​ဢဝ်​လွင်ႈ​ဢၼ်​ႁၢႆႉ ၵႃႈ​ၼႂ်း​တိူၵ်ႈ​ၽၼ်ႇတႃႇ​ႁူဝ်​ၸႂ်​ဢၼ်​ႁၢႆႉ​မၼ်း​ၼၼ်ႉ​ဢွၵ်ႇ​လႄႈ ၼႄ​ပျႃး​ဢေႃႈ။ လွင်ႈ​မၼ်း​ၸမ်ႉ သူပ်း​ၸၢင်ႈ​မွၵ်ႇ​လၢတ်ႈ​ၸွမ်း ၵႃႈ​ၼင်ႇ​ဢၼ်​မီး​တဵမ်​ဝႆႉ​ၵႃႈ​ၼႂ်း​ႁူဝ်​ၸႂ်​ၼၼ်ႉ​ဢေႃႈ။

သူ​ၸမ်ႉ၊ ႁၵ်ႉ​ရၢၼ်ႇ​သူႇ​သူ​တႃႉ။ ႁဵတ်း​ၵျေး​ၸူး​တႃႉ။ ယင်း​ဢမ်ႇ​မီး​တီႈ​ဢၼ်​မုင်ႈ​ထႃႈ​မွင်း​ထႃႈ​သေ​ၸိူဝ်ႉ​သေ​ပိူင်​လႄႈ ပၼ်​ၵူႈ​ပၼ်​ယိမ်​တႃႉ။ ပေႃး​ႁဵတ်း​ၸိူဝ်ႉ​ၼင်ႇ​ၼႆ​ၸိုင် ဢၵျူဝ်း​သူ​တၵ်း​ယႂ်ႇ​ဢေႃႈ။ သူ​တၵ်း​ပဵၼ်​လုၵ်ႈ​ၽြႃး​ပဵၼ်​ၸဝ်ႈ​ဢၼ်​သုင်​ၼႃႇ​သေ​ပိူၼ်ႈ​ၼၼ်ႉ​ဢေႃႈ။ လွင်ႈ​မၼ်း​ၸမ်ႉ မၼ်း​ၸဝ်ႈ​ႁဵတ်း​ၵျေး​ၸူး​တီႈ​ၶဝ်​ၸိူဝ်း​ဢၼ်​ဢမ်ႇ​ႁူႉ​ၵျေး​ၸူး​ၸဝ်ႈ ဢိၵ်ႇ​တင်း​ၶဝ်​ၸိူဝ်း​ဢၼ်​မီး​သၽေႃး​ဢၼ်​ႁၢႆႉ​ဢၼ်​ႁုၵ်း​တင်း​လၢႆ​ၼၼ်ႉ​ယူႇ​ဢေႃႈ။

ပိူဝ်ႈ​ၼႆ​လႄႈ ၸိူဝ်ႉ​ၼင်ႇ​ဢၼ်​ပေႃႈ​သူ​မီး​ၸႂ်​ဢၼ်​ဢဵတ်း​လူ​ၼၼ်ႉ၊ သူ​ၵေႃႈ​မီး​ၸႂ်​ဢၼ်​ဢဵတ်း​လူ​တႃႉ။

ယႃႇ​ပေ​ၸီႇ​ယၢင်ႇ​ပိူၼ်ႈ။ ပေႃး​သူ​ဢမ်ႇ​ႁဵတ်း​ၸိုင်၊ သူ​တၵ်း​ၵၢင်း​လွတ်ႈ​တင်း​တၢင်း​ဢၼ်​ၸီႇ​ယၢင်ႇ​ဢေႃႈ။ ယႃႇ​ပေ​ၸီႇ​ယၢင်ႇ​ဢပႅတ်ႈ​တီႈ​ပိူၼ်ႈ။ ပေႃး​ဢမ်ႇ​ႁဵတ်း​ၸိုင် သူ​တၵ်း​ၵၢင်း​လွတ်ႈ​တင်း​တၢင်း​ဢၼ်​ၸီႇ​ယၢင်ႇ​ဢပႅတ်ႈ​ဢေႃႈ။ ပွႆႇ​လွတ်ႈ​ဢပႅတ်ႈ​ပိူၼ်ႈ​တႃႉ။ ပေႃး​သူ​ပွႆႇ​လွတ်ႈ​ၸိုင် ဢပႅတ်ႈ​သူ​တၵ်း​လွတ်ႈ​ဢေႃႈ။

ၵဝ်​ဝႃႈ​တီႈ​သူ​ၸိူဝ်း​ဢၼ်​ငိၼ်း​ၵႂၢမ်း​ၵဝ်​ၼႆႉ​ၸမ်ႉ၊ ႁၵ်ႉ​ရၢၼ်ႇ​သူႇ​သူ​တႃႉ။ ႁဵတ်း​ၵျေး​ၸူး​တီႈ​ၶဝ်​ၸိူဝ်း​ဢၼ်​ၸင်း​သူ​ၼၼ်ႉ​တႃႉ။- ႁဵတ်း​မႅတ်ႈ​တႃႇ တီႈ​ၶဝ်​ၸိူဝ်း​ဢၼ်​ၵိၼ်ႇ​လႃႇ​သူ​ၼၼ်ႉ​တႃႉ။ သူး​တွင်း​ပုၼ်ႈ​ၶဝ်​ၸိူဝ်း​ဢၼ်​ယႃႉ​ယူၵ်ႉ​သူ​ၼၼ်ႉ​တႃႉ။

ၵႃႈ​ၼင်ႇ​ဢၼ်​သူ​ၶႂ်ႈ​ႁႂ်ႈ​ပိူၼ်ႈ​ႁဵတ်း​တီႈ​သူ​ၼၼ်ႉ၊ သူ​ႁဵတ်း​တီႈ​ပိူၼ်ႈ​တႃႉ။

တီႈ​ၵေႃႉ​ဢၼ်​တူပ်း​ၵႅမ်ႈ​မႂ်း​ၽၢၵ်ႇ​ၼိုင်ႈ​ၼၼ်ႉ၊ ပၼ်​ၵႅမ်ႈ​မႂ်း​ၽၢၵ်ႇ​ၼိုင်ႈ​ထႅင်ႈ​လူး​ၵွၼ်ႇ​တႃႉ။ တီႈ​ၵေႃႉ​ဢၼ်​သိမ်း​ဢဝ်​ၽႃႈ​ဝႆ​မႂ်း​ၼၼ်ႉ​ၵေႃႈ ယႃႇ​ပေ​ႁၢမ်ႈ​တၢပ်ႈ​ႁႄႉ​ၶႅၼ်​မၼ်း ဢဝ်​သိူဝ်ႈ​မႂ်း​ထႅင်ႈ​ၼၼ်ႉ။ ၽူႈ​လႂ်​သေ​ဢမ်ႇ​ဝႃႈ၊ ၵေႃႉ​ဢၼ်​ယွၼ်း​တီႈ​မႂ်း​ၼၼ်ႉ​ၸိုင်၊ ပၼ်​တႃႉ။ တီႈ​ၶဝ်​ၸိူဝ်း​ဢၼ်​သိမ်း​ဢဝ်​ၶူဝ်း​လဵင်း​မႂ်း​ၼၼ်ႉ ယႃႇ​ပေ​ၶိုၼ်း​ယွၼ်း​ဢဝ်။

တူၼ်ႈ​ဢၼ်​လီ ဢၼ်​ၸၢင်ႈ​မၢၵ်ႇ​မၢၵ်ႇ​ဢၼ်​ဢမ်ႇ​လီ​ၼၼ်ႉ ဢမ်ႇ​မီး​သေ​တူၼ်ႈ။ တူၼ်ႈ​ဢၼ်​ဢမ်ႇ​လီ ဢၼ်​ၸၢင်ႈ​မၢၵ်ႇ​မၢၵ်ႇ​ဢၼ်​လီ​ၼၼ်ႉ ဢမ်ႇ​မီး​သေ​တူၼ်ႈ။

တူၺ်း​မၢၵ်ႇ​တူၼ်ႈ​ၵူႈ​တူၼ်ႈ​လႄႈ တၵ်း​ႁူႉ​လွင်ႈ​သၽေႃး​တူၼ်ႈ​ၸိူဝ်း​ၼၼ်ႉ​ဢေႃႈ။ ဢမ်ႇ​ၸၢင်ႈ​ဝိတ်း​ဢဝ်​မၢၵ်ႇ​လိူဝ်ႇ​သၢင်း​ၽေႃး ၵႃႈ​တီႈ​တူၼ်ႈ​ၼၢမ်။ ဢမ်ႇ​ၸၢင်ႈ​ဝိတ်း​ဢဝ်​မၢၵ်ႇ​ၸပိတ်ႈ ၵႃႈ​တီႈ​တူၼ်ႈ​ၼၢမ်​လိၼ်။