Popular Bible Verses from ယူဝ်းႁၢၼ်ႇ 2

Share

ၼင်ႇ​ၼၼ်​လႄႈ ယေႇသူႉ ​ၼႄ​ပျႃး​ၼီႉမိၵ်ႈ​လၢၵ်ႈၶၼႃႇ​ဢၼ်​ၼႆႉ​ဢၼ်​ပဵၼ်​ဢွၼ်​တၢင်း​ပိူၼ်ႈ​ၵႃႈ​ၼႂ်း​ဝဵင်း​ ၵႃႇၼႃႉ မိူင်း​ ၵႃႇလီႉလႄး ​လႄႈ​ႁႂ်ႈ​မုၼ်​ၽုင်း​ၸဝ်ႈ​ထၢင်ႇ​သႃး​ဢေႃႈ။ တပႄး​ၸဝ်ႈ​ၸိူဝ်း​ၼၼ်ႉ​ၵေႃႈ​ယုမ်ႇ​မၢတ်ႈ​မၼ်း​ၸဝ်ႈ​ဢေႃႈ။

ယေႇသူႉ ​ၵေႃႈ​လၢတ်ႈ​လႄႈ​ဝႃႈ၊ မႄႈ​ယိင်း​ဢိူၺ်း၊ မႂ်း​ၸၢပ်ႈ​သႅင်ႇ​ၵၼ်​တင်း​ၵဝ်​ၸိူဝ်ႉ​ၼင်ႇ​ႁိုဝ်။ ၶိင်ႇ​ၼႃႇရီႇ​ၵဝ်​ဢမ်ႇ​ပႆႇ​ႁွတ်ႈ​ပႆႇ​ထိုင်၊ ဝႃႈ​ၼင်ႇ​ၼႆ​ဢေႃႈ။

ယေႇသူႉ ​ၵေႃႈ​လၢတ်ႈ​တီႈ​ၶဝ်​ၼၼ်ႉ​လႄႈ​ဝႃႈ၊ ဢဝ်​ၼမ်ႉ​သႂ်ႇ​ၼႂ်း​မေႃႈ​ၼမ်ႉ​ၸိူဝ်း​ၼႆႉ​ႁႂ်ႈ​တဵမ်​ဝႆႉ​တႃႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင် ၶဝ်​ၼၼ်ႉ​ဢွၼ်​ၵၼ်​ဢဝ်​သႂ်ႇ​ထၼ်ႈ​ပေႃး​ၸမ်​တၵ်း​လူၼ်ႉ​ဢေႃႈ။- မၼ်း​ၸဝ်ႈ​ၵေႃႈ​လၢတ်ႈ​လႄႈ​ဝႃႈ၊ တေႃႈ​လဵဝ်​ၼႆႉ​တဵၵ်း​လႄႈ ဢဝ်​ၵႂႃႇ​ၵႃႈ​တီႈ​ၵေႃႉ​ဢၼ်​ဢုပ်ႉ​ၼိူဝ်​ပွႆး​ပုၼ်ႉ​တႃႉ​ဝႃႈ​ၼႆ၊ ၵႃႈ​ၼင်ႇ​ဢၼ်​ဝႃႈ​ၼၼ်ႉ၊ ၶဝ်​ဢဝ်​ၵႂႃႇ​ဢေႃႈ။

ယေႇသူႉ ​ၵေႃႈ​ၶိုၼ်း​လၢတ်ႈ​လႄႈ​ဝႃႈ၊ ပိၵ်ႈ​မၢၼ်ႇ​ၸဝ်ႈ​ၼႆႉ​ၸိုင်​သူ​ၵိူၼ်ႇ​ယႃႉ​ပႅတ်ႈ​သေ​တႃႉ။ ၼႂ်း​သၢမ်​ဝၼ်း​ၵဝ်​တၵ်း​မႄး​ႁဵတ်း​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ဢဝ်​ၸိူၵ်ႈ​ဢွၼ်ႇ​ႁွမ်း​ၵၼ် မႄး​ႁဵတ်း​ၶိူင်ႈ​ပိူင်​ဢၼ်​တၵ်း​လႆႈ​ယႅၼ်ႉ​ၽတ်ႉ​ၶဝ်​ၼၼ်ႉ​ယဝ်ႉ​ၸင်ႇ ႁေႃႈ​ၶဝ်​တင်း​သဵင်ႈ​တင်း​လူင် ဢိၵ်ႇ​တင်း​သူဝ်း​ဝူဝ်း​တင်း​လၢႆ​ဢွၵ်ႇ​သေ​ၵႃႈ​တီႈ ၼႂ်း​ပိၵ်ႈ​မၢၼ်ႇ​ၸဝ်ႈ​ၼၼ်ႉ​လႄႈ ဢဝ်​ငိုၼ်း​ၵူၼ်း​လႅၵ်ႈ​ငိုၼ်း​ၸိူဝ်း​ၼၼ်ႉ ထွၵ်ႇ​ပႅတ်ႈ​သေ​လႄႈ​ဢီး​ၶူင်ႇ​တၢင်ႇ​ငိုၼ်း​ၶဝ်​ၼၼ်ႉ​ၶႂမ်ႈ​ပိၼ်ႈ​ပႅတ်ႈ​ဢေႃႈ။- တီႈ​ၶဝ်​ၸိူဝ်း​ဢၼ်​ၶၢႆ​ၼူၵ်ႉ​တူႈ​ၸိူဝ်း​ၼၼ်ႉ​ၵေႃႈ၊ မၼ်း​ၸဝ်ႈ​လၢတ်ႈ​လႄႈ​ဝႃႈ၊ ဢဝ်​ဢုၵ်ႉ​ၸႃႇ​ၶွင်​ၸိူဝ်း​ၼႆႉ​ၵႂႃႇ​သေ​တႃႉ။ ယႃႇ​ပေ​ဢဝ်​ႁိူၼ်း​ပေႃႈ​ၵဝ်​ႁဵတ်း​ႁိူၼ်း​ၶူဝ်း​ၵုၼ်ႇ​ၶူဝ်း​သိၼ်၊ ဝႃႈ​ၼင်ႇ​ၼႆ​ဢေႃႈ။