Popular Bible Verses from ယူဝ်းႁၢၼ်ႇ 16

Share

ၼင်ႇ​ႁိုဝ် သူ​တၵ်း​မီး​တၢင်း​ၼိမ် ၼႂ်း​ၵဝ်​ၸိုင်၊ ၵဝ်​ႁေႃး​လၢတ်ႈ​ၵႂၢမ်း​ၼႆႉ​မႃး​ယဝ်ႉ။ သူ​တၵ်း​လႆႈ​ၶၢမ်ႇ​တုၵ်ႉ​ၶႃႉ​ၼႂ်း​လေႃးၵႃႉ​ၼႆႉ​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ယႃႇ​ပေ​မႆႈ​ၸႂ်​ၶီ​ၸႂ်။ ၵဝ်​ပႄႉ​ၼႅင်ႇ​လေႃးၵႃႉ​ၼႆႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

ၵူၺ်း​ၵႃႈ​မိူဝ်ႈ​ဢၼ်​ဝီႉၺိၺ်ႇ​ၸဝ်ႈ​ဢၼ် ပျေႉ​ၸုမ်ႇ​တင်း​သမ်ႇမႃႇ​တြႃး​ၼၼ်ႉ​ႁွတ်ႈ​မႃး​ၸိုင်၊ မၼ်း​တၵ်း​ဢဝ်​သူ​ၵႂႃႇ​သူင်ႇ​ၵႃႈ​ၼႂ်း​သမ်ႇမႃႇ​တြႃး​တင်း​သဵင်ႈ​တင်း​လူင်​ဢေႃႈ။ မၼ်း​တၵ်း​ႁေႃး​လၢတ်ႈ​ၸွမ်း​ၼင်ႇ​ဢလူဝ်ႇ​တူဝ်​ၸဝ်ႈ​ၵဝ်ႇ​ဢမ်ႇ​ၸႂ်ႈ။ မၼ်း​တၵ်း​ႁေႃး​လၢတ်ႈ ၵႃႈ​ဢၼ်​ငိၼ်း​တင်း​သဵင်ႈ​တင်း​လူင်​ၼၼ်ႉ​ဢေႃႈ။ လွင်ႈ​တၢင်း​ဢၼ်​တၵ်း​မႃး​ၵမ်း​လိုၼ်း ၸိူဝ်း​ၼၼ်ႉ​ၵေႃႈ မၼ်း​တၵ်း​လၢတ်ႈ​ပၼ်​တီႈ​သူ​ဢေႃႈ။

တေႃႇ​ထိုင်​ႁွတ်ႈ​မိူဝ်ႈ​လဵဝ်​ၼႆႉ သူ​ဢမ်ႇ​ပႆႇ​ဢိင်​ပိုင်ႈ​ၸိုဝ်ႈ​သဵင်​ၵဝ်​သေ​လႄႈ​ယွၼ်း​သေ​ၸိူဝ်ႉ​သေ​ပိူင်။ ၼင်ႇ​ႁိုဝ်​လွင်ႈ​တၢင်း​ဢၼ်​သူ​သိူဝ်း​ပျေႃႇ​ၼၼ်ႉ တၵ်း​ၸေး​ၸုမ်ႇ​ၸိုင်၊ ယွၼ်း​တႃႉ။ ပေႃး​ယွၼ်း​ၸိူဝ်ႉ​ၼင်ႇ​ၼၼ်​ၸိုင် တၵ်း​လႆႈ​ဢေႃႈ။

ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ပေႃး​ၵဝ်​ၵႂႃႇ​ၸိုင်​သူ​တၵ်း​မီး​ဢၵျူဝ်း​ဢေႃႈ။ လွင်ႈ​မၼ်း​ၸမ်ႉ ပေႃး​ၵဝ်​ဢမ်ႇ​ၵႂႃႇ​ၸိုင်၊ သြႃႇ​ဢူႉပိတ်ႉသေႇ​ဢမ်ႇ​မႃး​တီႈ​သူ။ ပေႃး​ၵဝ်​ၵႂႃႇ​ၸိုင်​ၵဝ်​တၵ်း​ပွႆႇ​ၸႂ်ႉ​မၼ်း​မႃး​တီႈ​သူ​ဢေႃႈ။- မိူဝ်ႈ​ဢၼ်​မၼ်း​ႁွတ်ႈ​မႃး​ၸိုင် မၼ်း​တၵ်း​ၽုၺ်ႇ​ဢွၵ်ႇ​ၼႄ​ပျႃး​တူႉ​ၸရိူၵ်ႈ​ဢပႅတ်ႈ ဢိၵ်ႇ​တင်း​လွင်ႈ​တၢင်း​ဢၼ်​ၵၢင်း​လွတ်ႈ​တင်း​ဢပႅတ်ႈ တင်း​လွင်ႈ​တၢင်း​ဢၼ်​ၸီႇ​ယၢင်ႇ​ဢပႅတ်ႈ​လႅင်း​လႅင်း​တီႈ​လေႃးၵႃႉ​ၼႆႉ​ဢေႃႈ။

မိူၼ်​ၸိူဝ်ႉ​ၼင်ႇ​ၼၼ်၊ မိူဝ်ႈ​လဵဝ်​ၼႆႉ ပိၵ်ႉ​သမ်ႉ​သူ​မီး​တၢင်း​ဢၼ်​ၸႂ်​လဵၵ်ႉ​သေ​ၵေႃႈ၊ ၵမ်း​လိုၼ်း​ၵဝ်​တၵ်း​ထူပ်း​ႁၼ်​သူ​လႄႈ သူ​တၵ်း​မီး​တၢင်း​ဢၼ်​ႁူဝ်​ၸႂ်​သိူဝ်း​ပျေႃႇ​ဢေႃႈ။ ၼင်ႇ​ႁိုဝ်​တၵ်း​လႆႈ​ႁိမ်​ဢဝ်​တၢင်း​ဢၼ်​သိူဝ်း​ပျေႃႇ​သူ​ၼၼ်ႉ​ၸိုင် ၽူႈ​လႂ်​သေ​ၵေႃႉ​သေ​ၵူၼ်း​ဢမ်ႇ​တၢတ်ႈ​ၼိူင်ႇ​လႆႈ။ ၼႂ်း​ဝၼ်း​ၼၼ်ႉ သူ​တၵ်း​ဢမ်ႇ​တွင်ႈ​ဢမ်ႇ​ထၢမ်​ၵဝ်​သေ​ၸိူဝ်ႉ​သေ​ပိူင်။ ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ ၵႃႈ​ဢၼ်​သူ​ဢိင်​ပိုင်ႈ ၼႃႇ​မႃႉ​ၸိုဝ်ႈ​သဵင်​ၵဝ်​သေ​လႄႈ​ယွၼ်း​တီႈ​ပေႃႈ​ၸဝ်ႈ​တင်း​သဵင်ႈ​တင်း​လူင်​ၼၼ်ႉ​ၸိုင် ပေႃႈ​ၵဝ်​တၵ်း​ပၼ်​ဢေႃႈ။

ၵဝ်​ဝႃႈ​တီႈ​ၸိုဝ်ႈ​တီႈ​ၸႂ်ႈ​တီႈ​သူ​ၸမ်ႉ၊ သူ​တၵ်း​လႆႈ​မီး​တၢင်း​ဢၼ်​ႁႆႈ​ႁွင်ႉ​ပွင်ႉ​ၶၢင်း​ဢေႃႈ။ လေႃးၵႃႉ​ၼႆႉ တၵ်း​မီး​တၢင်း​ဢၼ် သိူဝ်း​ပျေႃႇ​ဢေႃႈ။ သူ​ၸမ်ႉ၊ ပိၵ်ႉ​သမ်ႉ​မီး​တၢင်း​ဢၼ် ၸႂ်​လဵၵ်ႉ​သေ​ၵေႃႈ၊ တၢင်း​ဢၼ်​ၸႂ်​လဵၵ်ႉ​ၼၼ်ႉ ၵမ်း​လိုၼ်း​တၵ်း​ပဵၼ်​တၢင်း​ဢၼ်​သိူဝ်း​ပျေႃႇ​ဢေႃႈ။