Popular Bible Verses from တမၢၼ်ႇ​ၸဝ်ႈ 20

Share

ၼင်ႇ​ၼၼ်​လႄႈ ၼႂ်း​ၵူႈ​ၸိူဝ်ႉ​ၵူႈ​ပိူင်​ၵဝ်​လႆႈ​ၼႄ​ပျႃး​လွင်ႈ​ဢၼ်​သူ​တၵ်း​လႆႈ​ႁဵတ်း​တၢင်း​ႁဵတ်း​လႄႈ ၸွႆႈ​ထႅမ်​မႃႉ​ၸႃႉ​ၶဝ်​ၸိူဝ်း​ဢၼ်​ႁႅင်း​ၵေႇ​ၼၼ်ႉ၊ ဢိၵ်ႇ​တင်း​လွင်ႈ​ဢၼ်​သူ တၵ်း​လႆႈ​ၶုၵ်း​ၸႂ်​လႆႈ​ၶႆႈ​ၸႂ်​ထူပ်း ၵႂၢမ်း​ၸဝ်ႈ​ ယေႇသူႉ ​ဢၼ်​ဝႃႈ၊ တၢင်း​ဢၼ်​ၽႄ​ၸွၼ်း​ယိုၼ်ႈ​မႅင်ႇ​ၼၼ်ႉ ယဵင်ႈ​ၶႅၼ်း​မီး​မင်ႇၵလႃႇ​ၼႃႇ​သေ​တၢင်း​ဢၼ်​ၶၢမ်ႇ​ဢဝ် တၢင်း​ဢၼ်​ၽႄ​ၸွၼ်း​ယိုၼ်ႈ​မႅင်ႇ​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​ဝႆႉ​တီႈ​သူ​ယဝ်ႉ။

ၵူၺ်း​ၵႃႈ လွင်ႈ​ၼင်ႇ​ႁိုဝ် ၵဝ်​တၵ်း​မီး​တၢင်း​ဢၼ်​သိူဝ်း​ပျေႃႇ​လႄႈ ႁႂ်ႈ​တၢင်း​ႁဵတ်း​ဢၼ်​ၵဝ်​ႁဵတ်း​ၼႆႉ ဢိၵ်ႇ​တင်း​ၵၢၼ်​ထမ်ႇမႃႉ​သြႃႇ ဢၼ်​ၵဝ်​လႆႈ​ၶၢမ်ႇ​ဢဝ်​ၵႃႈ​တီႈ​ၸဝ်ႈ​ ယေႇသူႉ ႁႂ်ႈ​လႆႈ​ၶၢမ်ႇ​သၢၵ်ႈ​သေႇ​တြႃး​သတၢင်း​သိူဝ်း​ပျေႃႇ ဢၼ်​ၸၢပ်ႈ​သႅင်ႇ​ၵၼ်​တင်း​ၵျေး​ၸူး​ၽြႃး​ပဵၼ်​ၸဝ်ႈ​ၸိူဝ်း​ၼၼ်ႉ​ယဝ်ႉ​တူဝ်ႈ​ၸိုင် ၵဝ်​ဢမ်ႇ​ပေႃး​မၢတ်ႈ​တၢင်း​ဢၼ်​ၼိၵ်ႈ​ၸၢၵ်ႈ​ငႅၼ်း​သႄး​ၼၼ်ႉ သေ​ၸိူဝ်ႉ​သေ​ပိူင်​ပဵၼ်​ၵႃႈ​သင်။ ဢသၢၵ်ႈ​ၵဝ်​ၵေႃႈ​ၵဝ်​ဢမ်ႇ​သေ​လၢႆ။

ပိူဝ်ႈ​ၼႆ​လႄႈ သူ​ႁဵတ်း​တင်း​သတီႉ​လႄႈ လူ​တူၺ်း​တူဝ်​ၸဝ်ႈ​ၵဝ်ႇ ဢိၵ်ႇ​တင်း​ၽုင်​သူဝ်း​တင်း​ၽုင် ဢၼ်​ဝီႉၺိၺ်ႇ​ဢၼ်​မူတ်း​ၸၢင်ႇ​ၸဝ်ႈ ၶၢၼ်း​သူ​ဝႆႉ​ႁႂ်ႈ​သူ​ပဵၼ်​ၵေႃႉ​ဢၼ်​ဢုပ်ႉ​ဢၼ်​ထိင်း ႁႂ်ႈ​လႆႈ​ႁဵတ်း​လဵင်ႉ​ႁဵတ်း​လူ​ၸိူဝ်း​ၸဝ်ႈ​ၽြႃး​ပဵၼ်​ၸဝ်ႈ ဢၼ်​မၼ်း​ၸဝ်ႈ​ဢဝ်​တင်း​လိူတ်ႈ​တူဝ်​ၸဝ်ႈ​ၵဝ်ႇ​သိုဝ်ႉ​ဢဝ်​ၼၼ်ႉ​တႃႉ။

ပီႈ​ၼွင်ႉ​ၶဝ်​ဢိူၺ်း၊ တေႃႈ​လဵဝ်​ၼႆႉ ၵဝ်​ဢဝ်​သူ​ဢၢပ်ႈ​ၵႃႈ​တီႈ​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵျေး​ၸူး​တြႃး​မၼ်း​ၸဝ်ႈ​ဢၼ်​တႄႇ​ႁဵတ်း​သူ​လႆႈ​ၼၼ်ႉ​လႄႈ ပၼ်​ဢမူၺ်ႇ​တီႈ​သူ ဢိၵ်ႇ​တင်း ၶဝ်​ၸိူဝ်း​ဢၼ်​မူတ်း​ၸၢင်ႇ​တင်း​သဵင်ႈ​တင်း​လူင်​ၼၼ်ႉ​ဢေႃႈ။