Popular Bible Verses from တမၢၼ်ႇ​ၸဝ်ႈ 17

Share

လွင်ႈ​မၼ်း​ၸမ်ႉ ၵူၼ်း​ႁဝ်း​ၼႆႉ​ထုၵ်ႇ​လီ​ၸၢမ်း​ႁႃ​ၽြႃး​ပဵၼ်​ၸဝ်ႈ​လႄႈ မီး​လွင်ႈ​ဢၼ်​ၸၢင်ႈ​ၶႄး​တၵ်း​ထူပ်း​ဢေႃႈ။ ၼႂ်း​ဝႃႈ​ၼၼ်​သေ​ၵေႃႈ ၼႂ်း​ႁဝ်း​ၼႆႉ​ၽြႃး​ပဵၼ်​ၸဝ်ႈ​မီး​ၵႆ​ၵၼ်​တင်း​ၽူႈ​လႂ်​ဢမ်ႇ​ၸႂ်ႈ။

မၼ်း​ၸဝ်ႈ​ၼၼ်ႉ ဢဝ်​တင်း​လိူတ်ႈ​ဢၼ်​လဵဝ်​ၽၢၼ်ႇ​သၢင်း​ႁဵတ်း​ပဵၼ်​ၵူၼ်း​ၵူႈ​ၸိူဝ်ႉ​ၵူႈ​ၶိူဝ်း ႁႂ်ႈ​လႆႈ​ယူႇ​ၵႃႈ​ၼိူဝ်​လိၼ်​မိူင်း​တင်း​သဵင်ႈ​တင်း​မူတ်း​လႄႈ ၶိင်ႇ​ၵႃႇလႃႉ​ဢၼ်​မႅင်ႇ​ၽႄ​မႄး​ဝႆႉ​လႄႈ​သင်၊ တီႈ​ယူႇ​တီႈ​သဝ်း​ၶဝ်​ဢၼ်​ၶၼ်ႈ​ဝႆႉ​ၶႅၼ်ႈ​ဝႆႉ​လႄႈ​သင်၊ မၼ်း​ၸဝ်ႈ​မၢတ်ႈ​မၢႆ​ဝႆႉ​တီႈ​ၶဝ်​ဢေႃႈ။

ၽြႃး​ပဵၼ်​ၸဝ်ႈ​ဢၼ်​ၽၢၼ်ႇ​သၢင်း​ႁဵတ်း​ပဵၼ်​ၸႃႉ​ၸဵမ်​လေႃးၵႃႉ​ထၢတ်ႈ တင်း​ၵႃႈ​ဢၼ်​မီး​ၼႂ်း​မၼ်း​ၼႆႉ​ၼၼ်ႉ ပဵၼ်​ၸဝ်ႈ​ဢၼ်​ဢုပ်ႉ​ပိူင်ႇ​ၵၢင်​ႁၢဝ်​တင်း​လိၼ်​မိူင်း​လႄႈ ဢမ်ႇ​ၵိင်း​ဝၢပ်ႈ​ယူႇ​ၵႃႈ​ၼႂ်း​ပိၵ်ႈ​မၢၼ်ႇ​ဢၼ်​မိုဝ်း​ၵူၼ်း​ႁဵတ်း။

လွင်ႈ​မၼ်း​ၸမ်ႉ မၼ်း​ၸဝ်ႈ​မၵ်း​ၶၢၼ်း​ဝၼ်း​ဢၼ်​တၵ်း​ဢဝ်​ၵေႃႉ​ဢၼ်​မၼ်း​ၸဝ်ႈ​ၶၢၼ်း​ဝႆႉ​ၼၼ်ႉ ၸီႇ​ယၢင်ႇ​ၵူၼ်း​လေႃးၵီႇ​တင်း​လၢႆ​ၸွမ်း​ၼင်ႇ​တြႃး​တၢင်း​ဢၼ်​သိုဝ်ႈ​တေႃႇ​ၼၼ်ႉ​ဝႆႉ​ယဝ်ႉ။ ပိူဝ်ႈ​ဢၼ်​မၼ်း​ၸဝ်ႈ​ႁႂ်ႈ​ၵေႃႉ​ၼၼ်ႉ လုၵ်ႉ​ၵႃႈ​တၢင်း​တၢႆ​ၶိုၼ်း​လိပ်း​လႄႈ မၼ်း​ၸဝ်ႈ​ၼႄ​ပျႃး​သၢၵ်ႈ​သေႇ​ဢၼ်​လီ​ယုမ်ႇ တီႈ​ၵူၼ်း​တင်း​သဵင်ႈ​တင်း​လူင်​ယဝ်ႉ​ဝႃႈ​ၼႆ၊ ပေႃးလူႉ ​ႁေႃး​လၢတ်ႈ​ဝႃႈ​ၼင်ႇ​ၼႆ​ဢေႃႈ။

ပိူဝ်ႈ​ဢၼ်​ႁဝ်း​ၼႆႉ ပဵၼ်​ၸိူဝ်ႉ​ၶိူဝ်း​ၽြႃး​ပဵၼ်​ၸဝ်ႈ​လႄႈ ႁဝ်း​ဢမ်ႇ​လီ​ထၢင်ႇ​ၽြႃး​ပဵၼ်​ၸဝ်ႈ​မိူၼ်​ၵၼ်​တင်း​ရုၵ်ႈ​ထူႉ​ၶမ်း၊ ရုၵ်ႈ​ထူႉ​ငိုၼ်း၊ ရုၵ်ႈ​ထူႉ​မၢၵ်ႇ​ႁိၼ် ဢၼ်​ၵူၼ်း​ႁဝ်း​ဢဝ်​တင်း​ပိင်ႇ​ၺႃႇ​ၶႆႈ​ၸႂ်​လႄႈ​တွင်ႈ​ႁဵတ်း​ဝႆႉ​ၼၼ်ႉ။