Popular Bible Verses from 1 ၵေႃးရိၼ်ႇထူႉ 3

Share

သူ​ဢမ်ႇ​ႁူႉ​လွင်ႈ​ဢၼ်​သူ​ပဵၼ်​ပိၵ်ႈ​မၢၼ်ႇ​ၽြႃး​ပဵၼ်​ၸဝ်ႈ​လႄႈ၊ ဝီႉၺိၺ်ႇ​ၽြႃး​ပဵၼ်​ၸဝ်ႈ​ၵိင်း​ဝၢပ်ႈ​ယူႇ​ၼႂ်း​သူ​ၼၼ်ႉ​ႁိုဝ်။

လွင်ႈ​မၼ်း​ၸမ်ႉ လိူဝ်​သေ​ငဝ်ႈ​ႁၢၵ်ႈ​တိူၵ်ႈ​ဢၼ်​ၶျႃး​ဝႆႉ​မီး​ယူႇ​ဢၼ်​ဝႃႈ​ ယေႇသူႉ​ၶရိၸ်ႈ ​ၼၼ်ႉ၊ ၽူႈ​လႂ်​ဢမ်ႇ​ၶျႃး​ငဝ်ႈ​ႁၢၵ်ႈ​တိူၵ်ႈ​တၢင်ႇ​ၸိူဝ်ႉ​တၢင်ႇ​ဢၼ်​လႆႈ။

ၵေႃႉ​ဢၼ်​ၽုၵ်ႇ​သွမ်း​ၼၼ်ႉ​ဢမ်ႇ​တၢတ်ႈ​ၼိူင်ႇ​လႆႈ။ ၵေႃႉ​ဢၼ်​ႁူတ်း​ၼမ်ႉ​ၼၼ်ႉ​ၵေႃႈ​ဢမ်ႇ​တၢတ်ႈ​ၼိူင်ႇ​လႆႈ။ ၽြႃး​ပဵၼ်​ၸဝ်ႈ​ဢၼ်​ႁႂ်ႈ​ယႂ်ႇ​မႃး​ၼၼ်ႉ​ၵူၺ်း​တၢတ်ႈ​ၼိူင်ႇ​လႆႈ​ဢေႃႈ။

ႁဝ်း​ပဵၼ်​ၵေႃႉ​ဢၼ် ႁဵတ်း​ႁူမ်ႈ​ၵၼ်​တင်း​ၽြႃး​ပဵၼ်​ၸဝ်ႈ​ဢေႃႈ။ သူ​ပဵၼ်​ဢူးယဵၼ်ႇ​ၽြႃး​ပဵၼ်​ၸဝ်ႈ​ဢေႃႈ။ တိူၵ်ႈ​ၵျွင်း​ၽြႃး​ပဵၼ်​ၸဝ်ႈ​ၵေႃႈ​ပဵၼ်​ဢေႃႈ။

တၢင်း​ႁဵတ်း​ၽႂ်​တၢင်း​ႁဵတ်း​မၼ်း​တၵ်း​ထၢင်ႇ​သႃး​ဢေႃႈ။ ပဵၼ်​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ​ၸမ်ႉ၊ ၶိင်ႇ​ဝၼ်း​ဢၼ်​ၽုၺ်ႇ​ဢွၵ်ႇ​ၼႄ​ပျႃး​ၼၼ်ႉ တၵ်း​ဢဝ်​တင်း​ၽႆး​သေ​လႄႈ ႁႂ်ႈ​ထၢင်ႇ​သႃး​ဢေႃႈ။ တၢင်း​ႁဵတ်း​ဢၼ်​ၵူၼ်း​ၵူႈ​ၵေႃႉ​ႁဵတ်း​ၼၼ်ႉ ပဵၼ်​တၢင်း​ႁဵတ်း​ၸိူဝ်ႉ​ၼင်ႇ​ႁိုဝ်​ဝႃႈ​ၼႆ၊ ၽႆး​ၼၼ်ႉ​တၵ်း​ၸႅတ်ႈ​ထၢမ်​ၸၢမ်း​တူၺ်း​ဢေႃႈ။

ၵူၺ်း​ၵႃႈ ၵေႃႉ​ဢၼ်​ၽုၵ်ႇ​သွမ်း​ဢိၵ်ႇ​တင်း​ၵေႃႉ​ဢၼ်​ႁူတ်း​ၼမ်ႉ​ၼၼ်ႉ​ပဵၼ်​ဢၼ်​လဵဝ်​ၵၼ်​လႄႈ ၸွမ်း​ၼင်ႇ​ဢၼ်​တူဝ်​ၸဝ်ႈ​ၵဝ်ႇ​ႁဵတ်း ႁင်း​ၽႂ်​ႁင်း​မၼ်း​ၼၼ်ႉ​တၵ်း​လႆႈ​ၶၢမ်ႇ​ဢၵျူဝ်း​တူဝ်​ၸဝ်ႈ​ၵဝ်ႇ​ဢေႃႈ။

ယႃႇ​ႁႂ်ႈ​ၽူႈ​လႂ်​ပႅတ်ႉ​လႅၼ်​တူဝ်​ၸဝ်ႈ​ၵဝ်ႇ။ ၼႂ်း​သူ​ပေႃး​သေ​ၵေႃႉ​သေ​ၵူၼ်း​ထၢင်ႇ​တူဝ်​ၸဝ်ႈ​ၵဝ်ႇ မီး​ပိင်ႇ​ၺႃႇ​ၼႂ်း​လေႃးၵႃႉ​ၼႆႉ​ၸိုင်၊ ႁႂ်ႈ​ၵေႃႉ​ၼၼ်ႉ​ပဵၼ်​ၵူၼ်း​မိူၵ်ႈ ႁႂ်ႈ​လႆႈ​ထိုင်​ပဵၼ်​ၵေႃႉ​ဢၼ်​မီး​ပိင်ႇ​ၺႃႇ​သေ​ၵမ်း​လူၺ်ႈ။