Popular Bible Verses from MAATEWOOSI 24

Share

Bunshete batinyinni kainohunni lowo manni baxilli qiidanno. Goofimarchu geeshsha cince kaajjannohu kayinni gatanno.

Gosa baalate naqaashshe ikkanno gede kuni Maganu Gashshootihu Danchu Duduwi gobba baalate kulamanno; hatte yannara goofimarchu daanno» yee qolinsa.

Olu luulonna olu duduwo macciishshitinanni; kuni ikkikkinni gatannokkihona massinoonte. Goofimarchu kayinni albillittete.

Gosa gosate aana, gashshootu gashshootu aana ola kayisanno. Addi addi darga hudenna baattote huxano ikkanno. Kuni coyi ilate game gede qarraho hanafo ikkanno.

Gordunna baatto sa'anno; qaali'ya kayinni disa"anno» yii.

Lowo manni, ‹Ani Kiristoosaati› yaanni su'mi'yanni daanno. Lowo mannano so'risiisanno.

«Hatte yannara qarraho sayisse uyitanno'ne; shitanno'ne; su'mi'ya daafira yitineenna mannu baalu giwanno'ne. Hatte yannara lowo manni ammana agure gufi'ranno. Ku'u ko'onne sayise aanno; mannu isi isiniiwa giwamanno. Batinye kaphu himanaano ka'anno; lowo mannano so'risiissanno.

Yesuusi qole, «Ayino so'risiisanno'nekki gede qorophe!

Manchi Beettino heddinoonnikki saatera daanno daafira qixxaabbine heedhe» yiinsa.

Kunnira, Mootichu ma barra daannoro affinoonnikki daafira, feeffattine agadhe.

Yesuusi lede, «Hakkonne barranna hattenne saate Maganu Annu ka'a, gordu sokkaasineno ikkito, Beettono ikko, afinohu dino.

Kaphaano kiristoosootinna kaphaano himanaano dagganno. Insa dandiitoommero Maganoho doorantinore nafa so'risiissara lowo dhaggenna maalale leellishshanno.

Nohi yannara ikkinte gede, Manchi Beetti daanno yannano hattoota ikkitanno. Hakka waro baote wayi daara albaanni Nohi markaawe ei barri geeshsha, mannu itanninna aganni, adhanninna adhamanni no. Baote wayi daye baalanka fee haa're ha'ra geeshsha diaffino. Manchi Beetti daanno yannano hattoota ikkitanno.