Popular Bible Verses from YOHAANNISI 16

Share

Konne coye kuloommo'nehu, anenni heedhine keere afidhinara yeeti. Tenne gobbara heedhini geeshsha qarru noo'ne. Ikkirono waajjitinoonte; ani tenne gobba qeeloommona» yiinsa.

Halaalu Ayyaani daanno woyite halaalu baalunniwa massaganno'ne. Isi macciishshinohalla coyi'ranno ikkinnina umisinni dicoyi'ranno. Qoleno kunni albira ikkanno coye kulanno'ne.

Xaa geeshsha su'mi'yanni mittoreno dihuuccidhinoonni. Huuccidhe, adhitinannina; hagiirri'neno wo'ma ikkanno.

Ani kayinni halaale kuleemmo'ne; ani ha'rummoro woyyanno'ne. Ha'ra hoogummoro Jawaachishaanchu ki'newa didaanno. Ani ha'rummoro kayinni iso ki'newa soyemmo'ne. Isi daanno yannara, alamete aana noo manni cubbire, keeraanchimmannirenna Maganu yoore mannaho xawise kulanno.

Ki'neno xa hatto dadillitinanni; ani kayinni galagale afeemmo'ne. Wodani'ne hagiidhanno; hagiirre'neno adhannohu dino. «Hakko barri iillanno woyite ane mittoreno dihuuccidhinannie. Halaale kuleemmo'nena, ane su'minni huuccidhinannire baala Anni'ya aanno'ne.

Halaale kuleemmo'nena, ki'ne wi'litinanni; raartinanni; tini gobba kayinni hagiidhitanno. Ikkirono dadilli'ne hagiirreho soorramanno.