Popular Bible Verses from Zvirevo 11

Share

Munhu anopavhurira achabudirira; uyo anomutsiridza vamwe achamutsiridzwawo.

Mumwe munhu anongopa pachena, asi achitowana zvimwe zvakawanda; mumwe anonyima zvaanofanira kupa, asi agova murombo.

Kana kuzvikudza kwasvika, ipapo kunyadziswa kwasvikawo, asi uchenjeri huri kune akazvininipisa.

Nokuda kwokushaya utungamiri rudzi runoparara, asi varayiri vazhinji vanoita kuti kukunda kuvepo.

Chibereko chokururama ndiwo muti woupenyu, uye anotungamirira mweya yavanhu kuruponeso ndiye akachenjera.

Guhwa rinoparadza chivimbo, asi munhu akavimbika anochengetedza zvakavanzika.

Munhu ane tsitsi anozviitira zvakanaka iye pachake, asi munhu ane utsinye anozviunzira dambudziko.

Ani naani anovimba noupfumi hwake achawa, asi akarurama achanaka seshizha nyoro.

Pfuma haibatsiri chinhu pazuva rokutsamwa, asi kururama kunorwira parufu.

Unhu hwavakarurama hunovatungamirira, asi vasina kutendeka vanoparadzwa nokunyengera kwavo.

Sezvakaita mukaro wegoridhe mumhino dzenguruve, ndizvo zvakaitawo mukadzi akanaka pachiso asi asina njere.

Jehovha anovenga zviero zvinonyengera, asi zviero zvakakwana zvinomufadza.