Popular Bible Verses from 1 Makoronike 16

Share

Tarisai kuna Jehovha nokusimba rake; tsvakai chiso chake nguva dzose.

Vongai Jehovha nokuti akanaka; rudo rwake runogara nokusingaperi.

Vongai Jehovha, danai kuzita rake; zivisai pakati pendudzi dzose zvaakaita.

Zvirumbidzei muzita rake dzvene; mwoyo yaavo vanotsvaka Jehovha ngaifare.

Rangarirai zvishamiso zvaakaita, zviratidzo zvake uye nemitongo yaakareva.

Muimbirei, muimbirei nziyo dzokurumbidza; taurai zvose zvamabasa ake anoshamisa.

Nokuti Jehovha mukuru uye anofanira kwazvo kurumbidzwa; anofanira kutyiwa pamusoro pavamwari vose.

ipai Jehovha kukudzwa kunofanira zita rake. Uyai nezvipiriso uye muuye pamberi pake; namatai Jehovha mukubwinya kwoutsvene hwake.

Kubwinya nokukudzwa zviri pamberi pake; simba nomufaro zviri munzvimbo yougaro hwake.

Imbirai Jehovha, pasi pose; paridzai ruponeso rwake zuva nezuva.

Zivisai kubwinya kwake pakati pendudzi, mabasa ake anoshamisa pakati pavanhu vose.

“Musabata vazodziwa vangu; musaitira vaprofita vangu zvakaipa.”

Nokuti vamwari vose vendudzi zvifananidzo, asi Jehovha akasika matenga.

Anorangarira sungano yake nokusingaperi, shoko raakarayira, kwechiuru chezvizvarwa.

Matenga ngaafare, nyika ngaifare; ngavati pakati pendudzi, “Jehovha anotonga!”

Rumbidzai Jehovha, Mwari waIsraeri, kubva pakusingaperi kusvikira pakusingaperi. Ipapo vanhu vose vakati, “Ameni” uye vakarumbidza Jehovha.

Ipai kuna Jehovha, imi mhuri dzendudzi, ipai Jehovha kukudzwa nesimba