Popular Bible Verses from Aromduma 8

Share

Tu mi ti sɛla woo tuni naara taaba tara la sum bɔ'ɔra la sɛba en nɔŋɛ Yinɛ, sɛba ti Yinɛ yi' doohe a puti'iren la.

Se'ere en sɔi la, mam sakɛ n suure puan suŋa suŋa, ti kum bii vom, bii suŋereba, bii bihereba, bii sɛla n boi zina , bii sɛla n wan wa'am beere na, bii pahi, bii sɛla en boi zuin zuin ha, bii sɛla en boi tiŋa tiŋa ha, bii sɛla bɔna timpaberɛ wa zuo za'a wan ta'am bɔkɛ tumam Yinɛ nɔŋerɛ wa n boi Kiresta Yezu tu Daana puan wa.

Bala mɛa ti Fa'a Sia la suŋera tɔ tu tɔregɔ puan, se'ere en sɔi la, tu ni pun ka mina tu wan suhɛ Yinɛ lan suni se'em, gee Fa'a Sia kaŋa mɛa en ni ŋmɛ'ɛra nupu'ɔ bɔ'ɔra tɔ, la si'iŋɔ kãra en gani yetɔgum.

Bala zuo, beni ti tu wan yele, yele ana wa puan? Yinɛ han sɔna tɔ, ani en wan ta'am zabɛ tɔ?

Bala zuo, nananawa, sageŋɔ ka boi sɛba en boi Kiresta Yezu puan la zuo.

Fum dikɛ fu puti'irɛ delum inganɛ wa la dela kum, gee fum dikɛ fum puti'irɛ delum Fa'a Sia la dela vom, la suma'ahum.

Gee yele ana woo puan, tumam gani nyaŋereba mɛ, doohe se'em daana en nɔŋɛ tu la puan.

Mam mi' n suure puan suŋa suŋa ti namehegɔ seko ti tu nameha saŋa kana wa puan wa la, ti ku dagi sɛla en wan dikɛ makɛ la sunsɛka en maahum ti ka niiɛ bo' tu na wa.

Ani en wan ta'am bɔkɛ tumam Kiresta nɔŋerɛ wa puan? Wuŋerɛ bii, susageŋɔ bii, namehegɔ bii, kom bii, beele bii, nyɔ̃pɔ̃hega bii sɔ'a?

Ti Yinɛ en biheri suure puan la, mi' sɛla en boi Fa'a Sia la puti'iren mɛ, se'ere en sɔi la, Fa'a Sia la sooe ŋmɛ'ɛra la nupu'ɔ bɔ'ɔra nɛresunduma la, dɔla Yinɛ sumboolum.

Sɛba woo ti Yinɛ Fa'a Sia la gu'ura ba ti ba kina tuuntɔɔ la, en sirum de Yinɛ kɔma.

Sɛba en vɔi ba inganɛ en boti se'em la, dikɛ ba puti'ira delum la inganɛ wa yɛla, gee sɛba en vɔi Fa'a Sia la en boti se'em la, dikɛ ba puti'ira delum la Fa'a Sia la en boti se'em.

Yinɛ se'ere en daa ka bahɛ a mɛŋa dayua, gee dikɛ ka tihɛ tumam za'a zuo la, a kan doohe a dayua mɛa puan bo' tu sɛla woo ti tu bɔta me yoi?

Fa'a Sia kana mɛa en de tu aze'nyɛdaana la tumam sia la, ti tu dela Yinɛ kɔma, ti tu han dɛna Yinɛ kɔma, tu dela sɛba en wan sooe sɔna, tu dela Yinɛ kɔma wan sooe Yinɛ lɔgerɔ sɔna. Tu naaɛ mɛ la Kiresta sooe sɔna Yinɛ lɔgerɔ, tu han sirum namehɛ la en, tu me wan ta lagum nyɛ suŋa la en.

Ŋwana zuo, puti'irɛ se'ere woo en dele inganɛ wa, zaberɛ mɛ la Yinɛ. De ka sigehe de mɛŋa la Yinɛ ze'elego la. Yelemɛŋerɛ, de pun kan nyaŋɛ sigehe de mɛŋa la Yinɛ .

Timpaberɛ wa za'a ani la kɛli, gee gura Yinɛ kɔma wa niirɛ na.

Tu mi' ti timpaberɛ wa za'a uheri mɛ viregere too wa'am na paaɛ zina.