Popular Bible Verses from Aromduma 6

Share

Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

Se'ere en sɔi la, be'em kan le sɔna ya, yan ka boi ze'elego la puan, gee bɔna zu'uhegɔ puan la.

Bala zuo, ba pi' tu mɛ la Kiresta, doohe ban sɔ tɔ ki'ihɛ a kum la puan la, ti Kiresta en ihege kum la puan a Sɔ paŋa suŋa puan se'em la, bala mɛa ti tumam me wan kina la vom paalum.

Da le dikɛ ya ingana la ze'sɛka bo' be'em, ti la dɛna be'em lɔkɔ tara tuna be'em tuuma. Gee tugum dikɛ ya mɛhi bo' Yinɛ, wuu nɛreba ti ba tari ya kum puan wa'am vom puan na la. Gee dikɛ ya ihe la bo' Yinɛ, ti si dɛna tuuntɔɔ vom tuuma lɔgerɔ.

Tu mi' ti ba daa kpa' tu naanɛ kɛka la mɛ la Kiresta, ti tu be'em naanɛ la sagum, ti tu da le dɛna da'aba bo' be'em.

Bala, yamam me biha nyɛta ya mɛhi ti, ya ki keehe be'em mɛ, gee nyaa vɔna bo' Yinɛ Kiresta Yezu puan.

Beni ti tu nyaa wan yele? Tu kɔ'ɔm kelum tuna be'em, ti la bahɛ ti zu'uhegɔ malum pa'aha? Sore ka boi bala la fii me! Ŋwani ti tumam sɛba en ka le bɔna be'em tuuma puan la, wan le lebena vɔna bu puan?

Ya ka mi' ti ya han dikɛ ya mɛhi bo' se'em ti ya wan nana en, ya dela se'em ti ya nana la da'aberɛ? La dɛna be'em en tari ya yɛ'a kum puan, bii la dɛna naŋa en tari ya yɛ'a tuuntɔɔ vom puan.

Gee pɛka dɛna Yinɛ dinɛ, ti yamam sɛba en tabelɛ dɛna be'em da'aberɛ wa, nyaa dela sɛba en nane ya suya puan ha, doohe la pa'alegɔ seko taaba en dikɛ bo' ya la, la yan nyɛ faarɛ be'em puan la, ya nyaa dela tuuntɔɔ vom da'aberɛ.