Popular Bible Verses from ମାତିସ୍ 28

Share

ହୁଦ୍‌ଘିଲାଗାନ୍ ନିମ୍ କାଲା, ଜାମା ଜାତିନ୍ତା ଆଲାରିନ୍ ଚେଲା କାମା; ଆରୁ ଆବ୍ଡ଼ାରିନ୍ ବାଙ୍ଗ୍ ଆରୁ ହାଦ୍ଦୁ ଆରୁ ପାବିତାର୍ ଆତ୍ମାଘି ନାମେତି ଆସ୍ନାନ୍ ଚିଆ, ଆରୁ ଆବ୍ଡ଼ାରିନ୍ ଜାମା କାତ୍‌ଥାନ୍ ଏକାନ୍ ଏନ୍ ନିମାନ୍ ହୁକୁମ୍ ଚିଚ୍‌କାଦାନ୍, ଆଦିନ୍ ମାନାଗେ ଶିଖାବା: ଆରୁ ଏରା, ଏନ୍ ଦୁନିଆଁଘି ଆଖ୍‌ରୀତକ୍ ଜାମାବାକେନ୍ ନିହ୍ମାଗାନେ ଆତ୍‌ଲ୍‌ଦାନ୍।”

ଯୀଶୁସ୍ ଆବ୍ଡ଼ାର୍‌ଘି ଚାହାଗେ ବାରିକିରି ତେଙ୍ଗିୟାସ୍, “ସରଗ୍ ଆରୁ ଦୁନିଆଁନ୍ତା ଜାମା ହକ୍ ଏଙ୍ଗାଗେ ଚିଆ କେର୍‌କିଚି।

ଲେକିନ୍ ସରଗ୍‌ଦୂଁତ୍ ମାଏକିନିଆଁରିନ୍ ତେଙ୍ଗିୟା, “ଆମା ଏଲ୍‌ଚା, ଏନ୍ ଆହାଲେନ୍ କା ନିମ୍ କ୍ରୁଶ୍‌ନୁ ଠୋକ୍‌ଚ୍‌କା ଯୀଶୁସିନ୍ ବେଦ୍ଦାଲ୍‌ଦାର୍। ଆସ୍ ଇସାନ୍ ମାଲ୍‌କାସିନ୍, ଲେକିନ୍ ତାଙ୍ଘା ବଚନ୍‌ଘି ଲେଖା ଉଜ୍ଜକାଦାସ୍। ବାରା, ଇ ଆଡ୍ଡାନ୍ ଏରା, ଏକାସାନ୍ କା ପ୍ରାଭୁସିନ୍ ଉଇକାଚାର୍

ଆନ୍ତିନ୍ ଯୀଶୁସ୍ ଆବ୍ଡ଼ାରିନ୍ ତେଙ୍ଗିୟାସ୍, “ଆମା ଏଲ୍‌ଚା; ଏଙ୍ଘା ଭାଇର୍‌ସାନ୍ କାଇକିରି ତେଙ୍ଗା କା ଆବ୍ଡ଼ାର୍ ଗାଲିଲୀଗେ କର୍, ଆସାନ୍ ଏଙ୍ଗାନ୍ ଏରର୍।”

ଆଙ୍ଗେନ୍ ଆବ୍ଡ଼ାର୍ ମୁଖ୍ୟା ଜାମାର୍‌ଗାନେ ମେଶ୍‌ରିକିରି ଉପାୟ କାମ୍‌ଚାର୍ ଆରୁ ପଲ୍‌ଟନ୍ ଜାମାର୍‌ଗେ ବାଗ୍ଗେ ପାଏସା ଚିଇକିରି ତେଙ୍ଗିୟାର୍, “ଏନ୍ନେ ତେଙ୍ଗର୍ କା ମାଁହା ଯେତ୍‌କବାକେନ୍ ଏମ୍ ହାନ୍ଦ୍ରାଲ୍‌କାମ୍ ତା, ଯୀଶୁସ୍‌କି ଚେଲାର୍ ବାରିକିରି ଆସିନ୍ ହାଡ୍ଡାର୍ ଅଚ୍ଚାର୍ କେରାର୍। ଆରୁ ଯଦି ଇ କାତ୍‌ଥାଦ୍ ରାଜ୍‌ପାଲ୍‌ସ୍‌କି ହେବ୍‌ଦାଗେ ମେନ୍ଦ୍ରଦ୍ ତା, ଏମ୍ ଆସିନ୍ ବୁଝାବମ୍ ଆରୁ ନିମାନ୍ ଚିନ୍ତାତି ବାଛାବମ୍।” ଆନ୍ତିନ୍ ଜାଗୁର୍ ପାଏସା ହୋଇକିରି ଏସ୍‌କେ ଶିଖାବାକେର୍‌କିଚା, ଆନ୍ନେନ୍ କାମ୍‌ଚାର୍। ଇ କାତ୍‌ଥାଦ୍ ଇନ୍ନାତକ୍ ୟାହୁଦୀ ଆଲାର୍‌ଘି ମାଝାନୁ ଚାଲ୍‌ର୍‌ତେ ବାରାଲି।