Popular Bible Verses from Matius 24

Share

Obai kojahatan mongkitn botambah, lalu banya' urakng co paca'an mongasihi agi'. Apo boko urakng inyo totap botahatn sotia ko Aku sampai ahir, sia' paca'an disolamant'an.

Kabar Boi' mongona'i Koraja'an Allah paca'an diboritoan di soluruh dunia oca' somuo urakng mondinga'nyo. Lopas nian, hoyu' datakng ahir joman.”

Kaitn paca'an mondinga' boko bunyi poparakan huatan borito poparakan. Apo jangan gola' somuonyo nian memang gola' tojadi. Apo nantai kinyo boroti dunia paca'an boahir dalapm watu inyo dampikng.

Banso paca'an boparakng molawatn banso bukai. Negara molawatn negara bukai. Di mono-mono paca'an ado kolaparan ongko gompa bumi. Apo somuo hal nantai bayo pomula'an. Samo sama'an botina' inyo buntikan mooso kompodihan watu mohidap-porut.

Pocayocam agatn pomandiran-Ku, obai biar pan langit huatan bumi paca'an boahir, pomandiran-Ku totap kinyo tohu boahir.

Obai banya' urakng paca'an datakng inyo mongaku' dirinyo sama'an ubo Aku. Sia' paca'an bopandir, ‘Aku ninam Rajo Inyo Dijanjian Allah!’ Sia' paca'an mongontumbuki urakng banya'.

Lopas nantai boko urakng paca'an mondorako'i ongko mombunuh kaitn. Soluruh dunia paca'an bonci' agatn kaitn obai kaitn murid-Ku. Banya' urakng paca'an kinyo pocayo agi' ko Tuhatn. Sia' paca'an hala bonci' huatan hala mohianati. Banya' nabi palsu paca'an datakng huatan monyosat'an urakng banya'.

Yesus monimbas sia', “Boboi'cam! Jangan sampai kaitn dikotumbuki.

Samo sama'an nantai jam, Ana' Monsio paca'an datakng co kotohuan. Jadi, kaitn gola' hala bososiap pakai' kodatakan-Nyo.”

Obai nantaiam, bojojagocam! Kaitn co tohu sombilo Tuhatn kolai datakng.

Apo co nyiant urakng inyo mongotohu'i ari damo japmAku datakng agi'. Boko molekat di sorugo kinyo tohu huatan Ana' Allah, pan kinyo tohu jam. Ongkah Allah Bopai mo inyo tohu.”

Obai paca'an ado boko urakng datakng inyo mongaku' obai dirinyo nianam Rajo Inyo Dijanjian Allah. Apo sia' co bondar. Paca'an ado boko nabi palsu jam. Boko rajo palsu huatan boko nabi palsu nantai paca'an bulah bomacapm mujisat jam. Tujuan sia' oca' monyosat'an somuo urakng, huatan soandainyo mungkitn tomansu' boko urakng inyo dipilih Allah jam.

“Ubo ni'innam koadaan dunia mondampiki kodatakan Ana' Monsio. Koadaan dunia paca'an samo sama'an watu joman Nuh. Sobolupm pasakng bosar datakng, boko urakng makatn, minum, kawitn-nikah sama'an biaso. Sia' molabuhan sama'an nantai sampai watu arinyo Nuh mansu' ko dalapm porohunyo inyo bosar nantai. Sia' co kalo bopikir obai ado sosuatu inyo paca'an tojadi. Sia' co sadar sampai pasakng bosar nantai datakng lalu mombonasoan sia'. Ubo nian jam koadaan dunia sobolupm Ana' Monsio datakng agi' ko dunia ni'in.