Popular Bible Verses from Lukas 15

Share

Lalu botula'am io pulakng ko bopainyo. Watu io ija' jouh doi' rumah, bopainyo udah moniant io. Agatn kotakng salu' bopainyo bonggidi'an monomu'inyo, ongko mongolu'i huatan monciupmnyo.

Obai ubonyo ana'ku ni'in udah mati, apo ni'in hidup agi'. Io udah hilakng, apo ni'in ditomuan agi'.’ Lalu labuh am sia' pogai.

Nah, porotiancam ni'in: samo ubo nantai jam, Allah huatan boko molekat di sorugo kotakng rindakng aman siku' urakng tongga' bulah dosa lalu hidup monyonangan Allah, daripado sombilatn puluh sombilatn urakng inyo kinyo tohu tongga' bulah dosa.”

Aku paca'an pulakng huatan botula' ko bopaiku, huatan bopandir ko sio: Bopai, aku udah bodosa tohadap Allah huatan tohadap Bopai.

‘Bopai,’ kato ana' nantai, ‘Aku udah bodosa tohadap Allah huatan tohadap duatn Bopai. Kinyo cucu' agi' aku disobut ana' duatn Bopai.’

“Soumpamonyo ado siku' urakng inyo bisi soratus iku' domba. Aman io kohilakan siku' domba obai domba nantai sosat, pasti io paca'an moninggalan sombilatn puluh sombilatn iku' domba inyo bukainyo di padakng rumput pakai' botula' monggoyapi inyo sosat nantai sampai io monomuannyo.