Popular Bible Verses from ROMA 1

Share

An Pano Wene paga panggolek werek o. Pano Wene eti, Ar Allah obarne paga, ye akuni nde akuni obogar ebebar andagwi paga, ndilinaburak ma, alebagik eti ap Yahudi mende ndilinaka dogoluk, nen ir ap nin tekman mende yabongga ndilinabigin o.

Wene Pano Wene eti paga, akuni ar oba iniliti panggolumo, Allah ninom dambulurak pano arurak mende ninilu arigin o. Eti Alkitab mbalek paga werek ndak-ndak o. “Akuni nen Allah oba um palogo ane waganumo, ir Allah inom pano dambul latuk, inebe iniluk pano dogogun o!”

O pagane Ar Allah nen, mbogor agar kenam erogo bega dogolir, Ar Allah ebe inil kegekdek mende, ebe Allah obarne ambik aitok mende, ir akuni nen o agabak kigirogo birige paga, Allah ebe werek o yiluk, ir inerakde mbalagun mondok dek o.

Akuni nen Allah ebe werek inilu mende, ir akuni nen Allah oba um palek dek dogolir, Allah wa, yorurak ndak dek o. Ir nen ebe dek mende odo-odo ekwi paga, iniliti apir agagemo o.

Ar Allah ebabar mende, ir nen akdikmo ebe dek mende bugwi, waltek mende alon palkwi dek, ir nen Walkarige mende alon palogo inamendek wogogwi, endaga mbalkwi eritagwi o. Ir nen ar Walkarige ebe yi o, yiluk woguk dugwi o.

Maduk ekwi paga Allah awene emedek inil kaurak ndak dekma, akuni maduk mban ekwi kalok Allah mbogor paga nen anini inoba wurabi waritaga o.

Ir akuni nen etegerogon ekwi dalok, Ar Allah nen monogo mbo barigemo, ir iniliti nen nengga kalok, maduk mban erir lektagwi o. Ir kumi nen, ap inom noge yu dambe kalok, ir kumi-kumi wadi ekwi erir letagwi o. Ir ap nen eterogon ar, ap nen kumi inom noge yu dambe kalok, ir ap-ap ar wadi erir lagwi ma, inomaduk etagwi onggo ndak-ndak ar kodagun o. Ir akuni nen nir Allah nina'ir yugunem, Allah nen ir inilitimo maduk ai paluok yiluk dambe darigemo ir nen eru ina'ir kigik eti ar erir lektagwi o.

Ir nen niniliti werek andagwi mende, ebe iniliti mondok dek, o. Ir nen Allah ebe wogok dugwi mondok dek. Ir nen warek agage elokte agabak kigirik mende, akuni amudi kunik mende, tewe mende, wado lekbeliluk lektaga mende, wabir mende wogokdir netagwi o.