Popular Bible Verses from RASUL-RASUL EKUGWA WENE 20

Share

Kir nen ar ekige bikigik eku dogobagik nen yiluk, yabu anggin ambik kigik, ir akuni inoba ndakbuk mende inake yamak daurak o. Etiar ma, nir nen Tuhan Yesus yirige mende yi, nir ninakla eberek dogolir eku dogorak eti, ‘Kodagwi eti adeknggen nggok dek o, ogwe wogoragwi perak adeknggen nggok mondok o.’ ”

An nebe niluk dogorak inom, kamburak inom, eti wene dek o. An niliti paga nen, Tuhan nen yabu noba birige yi ar erir laga, Allah awene Pano Wene iliti paga nen woknerage wene yi, naruk kolok erir nega nagik, kamburak kudi arar bi ligin o, yiluk eka lagage o.

Kir nen, kir kinebe aruwam watagwi, nen ir jemaat obogar inaruwam dogobagik nen yiluk, Roh Allah nen wokeragage mende etoma, obogar inaruam dogoni o. Kir nen, ar ap Gembala domba nen anggumi inaruwam dogirtaga kwak, kir nen ir jemaat, Ar Allah Akbur wartagage paga, Ar Amende erogo batarige mende etoma, inaruwam dogono o.

Yogondak Allah nen kir kinaruwam kinagik, kir Ar nen pano mende pago dogowak nen yiluk, kinebe Allah inggimo binagi taga o. Ar Allah ebe obarne ambik nen, kir kinobarne erkinaka, amindi amende akburi wogorawak nen yiluk birige mende, wokeraga dogogin o.