Popular Bible Verses from E MATIU 7

Share

Kole, bea e foaki ia kiate kimoutolu; kumi, bea te mou ilo; tukituki, bea e too ia kiate kimoutolu

He ko ia kotoabe oku kole, oku ne ma‘u; bea ko ia oku kumi, oku ne ilo; bea ko ia oku tukituki, e too kiate ia.

Ko ia oku ne fanogo ki he eku tala ni, bea fai ki ai, teu fakatatau ia ki he tagata boto, nae laga hono fale i he fuga maka

Koia, koe mea kotoabe oku mou loto ke fai e he kakai kiate kimoutolu, ke mou fai ia kiate kinautolu: he koe fono ia moe kau balofita.

Koeuhi oku fajii ae mataba, mo laujii ae hala, oku fakatau ki he moui, bea oku ilo ia e he toko jii be.

Mou hu i he mataba fajii: he oku falahi ae mataba, mo ataatā ae hala, oku fakatau ki he mate, bea oku hu ai ae toko lahi.

Koia kabau oku mou ilo, ka koe agakovi, ke foaki ae gaahi mea lelei ki hoo mou fānau, e fefe hono lahi hake oe fie foaki ae gaahi lelei e hoo mou Tamai oku i he lagi kiate kinautolu oku kole kiate ia?

OUA naa mou fakamāu, telia naa fakamāua akimoutolu. He koe aga koia oku mou fakamāu aki, e fakmāua ai akimoutolu: bea koe fuofua koia te mou fua aki, e toe fua aki ia kiate kimoutolu.

Ka ko ia ia oku fanogo ki he eku gaahi tala ni, bea ikai fai ki ai, e fakatatau ia ki he tagata vale, aia nae laga hono fale i he oneone

Bea koeha oku ke tokaga ai ki he malamala‘i akau oku i he mata o ho kaiga, ka oku ikai te ke tokaga ki he fuu akau oku i ho mata oou? Bea e fefe hao faa behe ki ho kaiga, Tuku keu tooa mai ae malamala‘i akau mei ho mata: kae vakai, oku ai ae fuu akau i ho mata oou?

Vakai telia ae kau balofita kākā, oku ha‘u kiate kimoutolu oku kofu fakasibi, ka koe faga uolofi fekai i loto akinautolu. Te mou ilo akinautolu i ho nau gaahi fua. He oku toli e he kakai ae fua oe vaine i he akau talatala, be koe fiki i he talatalaamoa?

Bea behe, oku tubu i he akau lelei kotoabe ae fua lelei; kae tubu i he akau kovi ae fua kovi.

E ikai faa tubu i he akau lelei ae fua kovi, be tubu i he akau kovi ae fua lelei.

Koe akau kotoabe oku ikai tubu ai ae fua lelei oku ta hifo, bea laku ki he afi.