Popular Bible Verses from E MATIU 5

Share

Bea oku ikai tutu ha māma, mo tuku ia i he lalo buha fua, ka ki he tuuga māma; bea oku ulo ia kiate kinautolu kotoabe oku i he fale. Tuku ke ulo behe hoo mou māma i he ao oe kakai, koeuhi ke nau ma mata ki hoo mou gaahi gaue lelei, bea fakamaloia a hoo mou Tamai aia oku i he lagi.

Koe māma o mamani akimoutolu. Koe kolo oku tuu i ha mouga, oku ikai faa fakabuli ia.

Oku monuia ae loto maa: he te nau mamata ki he Otua.

Oku monuia akinautolu oku fiekaia mo fieinua ki he maonioni: he te nau fonu ai.

Ka oku ou tala atu kiate kimoutolu, Ofa ki ho mou gaahi fili, tabuaki‘i akinautolu oku kabe‘i akimoutolu, fai lelei kiate kinautolu oku fehia kiate kimoutolu, bea hufia akinautolu oku fai kovi mo fakataga kiate kimoutolu

Oku monuia ae agavaivai: he oku o nautolu ae buleaga oe lagi.

Oku monuia ae faa fakalelei: e ui ai akinautolu koe fanau ae Otua.

Oku monuia akinautolu oku tagi: he te nau ma‘u ae fiemalie.

Oku monuia akinautolu kuo fakataga‘i koeuki koe maonioni: he oku o nautolu ae buleaga oe lagi.

Oku monuia ae manavaofa: he te nau ma‘u ae ofa.

Oku monuia akimoutolu, oka manukia, mo fakataga‘i, mo lohiekina akimoutolu i he mea kovi kotoabe, koeuhi ko au. Mou fiemalie o fiefia lahi aubito: he oku lahi hoo mou totogi i he lagi: he nae behe e nau fakataga‘i ae kau balofita nae mua iate kimoutolu.

Oku monuia ae agamalu: he te nau ma‘u ae fonua.

Koe masima o mamani akimoutolu: bea kabau kuo mole i he masima hono kona, e toe fakakona‘i fefe‘i ia? gata ai, oku ikai aoga ia, ka ke li kituaa, bea ke molomoloki ia e he kakai.

Koia ke haohaoa akimoutolu he oku haohaoa a hoo mou Tamai oku he lagi.

Ka i hoo mou alea, ke Io be hoo mou io; mo Ikai be hoo mou ikai: he koia oku fakalahi aki aeni, oku tubu i he kovi.

Kuo mou fanogo nae lea behe, Ke totogi aki ae mata ae mata, moe nifo ae nifo: Ka oku ou tala atu kiate kimoutolu, Ke oua naa mou talia ha taha agakovi: ka ko ia te ne jibi‘i ho kouahe toomatau, fulihi atu foki kiate ia ho kouahe e taha.

Bea kabau oku fakahala‘i koe e ho mata toomatau, kabe‘i ia, o liaki ia iate koe: he oku aoga kiate koe ke auha ho koga e taha, kae oua naa li ho jino kotoa ki heli. Bea kabau e fakahala‘i koe e ho nima toomatau, tutuu ia, o liaki ia iate koe; he oku aoga kiate koe ke auha ho koga e taha, kae oua naa li ho jino kotoa ki heli.