Popular Bible Verses from EKESOTOSI 15

Share

O ne behe, Kabau te ke faa tokaga ki he le‘o o Jihova ko ho Otua, mo ke fai aia oku totonu i hono ao, mo ke fanogo ki he ene gaahi fekau, o tauhi ene gaahi tuntuuni, e ikai teu ai kiate koe ha mahaki e taha, i he gaahi mahaki, aia naaku omi ki he kakai Ijibite: he ko au Jihova, oku ou fakamoui koe.

Ko hoku malohi mo eku hiva a Jihova, bea kuo hoko ia ko hoku fakamoui: ho hoku Otua ia, bea teu teuteu moona ae fale nofoaga; koe Otua ia o eku tamai, bea teu fakahikihiki ia.

E Jihova kohai i he gaahi otua, oku tatau moe afiona? kohai oku hage koe afiona, oku ke nāunāuia i he maonioni, oku ke fakamanavahe i he fakamalo, oku ke fai ae gaahi mea fakaofo?

Nae tataki atu e he afiona i hoo aloofa ae kakai aia naa ke huhu‘i: kuo ke fakahinohino akinautolu i hoo mafimafi ki ho afioaga maonioni.

Bea i he e nau hoko ki Mala, nae ikai te nau faa inu ae vai o Mala, he nae kona: koia nae ui ai hono higoa ko Mala. Bea nae lāuga ae kakai kia Mosese, o behe, Koeha te mau inu? Bea nae tagi ia kia Jihova, bea fakaha kiate i a e Jihova ae akau, aia naa ne li ki he vai, bea nae melie ai ae vai: bea nae fokotuu eia i ai ae fekau moe tuutuuni, mo ne ahiahi‘i akinautolu i ai.