Popular Bible Verses from Yowanis 15

Share

"Eet kɛɛt wɛynik, ma iinak rɛkɛnak. Iɗit sinɔ beeɗ eete, ɛ ɓɔra beeɗaa sɛɛnek, gaɓɛ iɗit sinɛ taamɛ a ɓɔɔkaaŋ. Agut sinɔ kɛɛ any sinɔ oolɛɛr a ijaagiir a kiiɗɛ eetik.

In beeɗɛɛ eete, maɓɔra beeɗaa iinakɛ. Oko sinɛ ɔkɔn rɛkɛnant kɛɛt wɛynik moko ar keet nɛɛkɛkiŋ, nɛ ki oolɛ a riiɓe taamɛ ɔɔtɛ nɛɛkɛ mowanŋɔŋk. Nɛ ɔkɔn ɓɔrɔ kiir beeɗit eeteeŋ, kiir oolɛ a gaɓɛɛr taamɛŋ.

Ɔkɔn beeɗiir eeteeŋ ɛ pɛɛni naakɛ beeɗ iinakɛɛŋ, any sinɛ kalɛyiirik baŋɛ laŋiirkɔɔŋ.

Mokokanti daamari iinak, makan kɔnu daama eet, suumakan kɔnu kɛnɔ ŋaarari nɔ kaar gaɓɛɛr taamɛ a ɓɔɔkaaŋ kɛnɔkoy beeɗir taamɛ sigɛ gaɓɛɛrik ɓɛɛnyɔwɛ gɛɛŋk baŋɛ. Nɛ any sinɛ kalɛyiir Baabɛye tiriyaakɛ gaanɛk baŋɛ gaɓɛkɔɔ kɔnaaŋ.

Kɛɛ ete mɛyin sinɔ kaalɛ a gaɓɛ wɛɛŋa gɛɛŋk agut tekaaneer gɛɛŋkik.

Rɛkɛnan sinɛ ar eete nɛ ki gaamit taamɛk baŋɛ, yawɛkoy Baabɛ nɛ oruŋ. Ma rɛkɛnan sinɛ gaɓɛ taamɛk, isiisekɔɔ kɛnɔ gaɓɛ taamɛ a kaalɛŋ.

Sekiyɛ gaaŋk sinɔ kɛ in poporiikɛɛ ɛkanɛɛkɛ goŋk oko sinɛ kɔnu poriiɗaak.

Ɔkɔn gaɓɛɛr taamɛ a ɓɔɔkaaŋ, ɛ yaaŋɛɛr kɛ iinak nomtaanak gaaŋkiŋ, nɛ eemɛyɛɛ Baabɛɛ agut any sini.

"Eet kɛɛt wɛynik sinɔ eekerkank, ma ijaagen sinɛ waayanakoŋk Baabɛɛ.

Iɗit sinɔ ki beeɗit eeteek ito rɛkɛnan sinɔ oriirɛɛ walasa nɛ paalorŋɔŋk. Nɛkɔɔ tolɛɛ nɛ oriirɛɛ maɗa nɛ ɗamŋ.

Tonakan kɔna sini kɛnɔ kɔna yaa yaakat sinaanɛkan gaɓaak, ɛ kɛnɔ in enya yaaka noŋk.

Kooraɓa sekiyɛ Baabɛɛk, ɛ beeɗaa mɛyin nɛɛkɛɛk, nɛ ɔkɔn ɓɔrɔ koorɛɛr sekiyɛ gaaŋkiŋ, nɛkɔɔ beeɗiir mɛyin naakɛk.

Sisɔ sinɛ kɔna sekaak kɛnɔ poporiikɛɛ ɛkanɛɛkɛ goŋk.

Ɔkɔn iinak joop ɗookoŋkuŋ, nɛ gun kɔnu ɗook poruŋ. Yakana agut sinɔ moko iinak joop ɗookoŋkuk, ɛ agut sinɔkan kɔnu pakatkiɗa ɗook nɔkan kɔnu daamaak, nɛ kɔnu ɓooyu ɗookuŋ.