Popular Bible Verses from ራእዩ ለዮሐንስ 3

Share

ወናሁ ቆምኩ ኀበ ኆኅት ወእጐደጕድ ወእመ ቦ ዘሰምዐኒ ቃልየ ወአርኀወኒ እበውእ ሶቤሃ ወአዐርፍ ምስሌሁ ወውእቱኒ ምስሌየ።

አአምር ግብረከ ከመ ኢኮንከ ቈሪረ ወኢኮንከ ምዉቀ ወርቱዕሰ ትኩን ቈሪረ ወእመ አኮ ምዉቀ። እስመ ማእከላይ አንተ።

አንሰ ለእለ አፈቅር እጌሥጽ ወእሜህር ቅናእ እንከ ለንስሓ።

አአምር ግብረከ ወናሁ ወሀብኩከ ቅድሜከ ኆኅተ ርኁተ ወአልቦ ዘይክል ዐጺዎታ እስመ ውኁድ ኀይልከ ወዐቀብከ ቃልየ ወኢክሕድከ ስምየ።

ወለዘሞአ እሁቦ ይንበር ምስሌየ ውስተ መንበርየ በከመ አነ ሞእኩ ወነበርኩ ምስለ አቡየ ውስተ መንበሩ።

ወትብል ብዑል አነ ወብዕልኩ ወአልቦ ዘእፈቅድ ምንተኒ እምኀቤከ ወለሊከ ተአምር ከመ ነዳይ ወምስኪን አንተ ወዕሩቅ ወዕዉር አንተ።

እስመ ዐቀብከ ቃልየ ወትዕግሥትየ ወበእንተ ዝንቱ አነኒ ዐቀብኩከ እምነ ሰዓተ መንሱት እንተ ሀለወት ትምጻእ ውስተ ኵሉ ዓለም ከመ ታመክሮሙ ለእለ ይነብሩ ውስተ ምድር።

ወናሁ እመጽእ ፍጡነ ወአጽንዕ ዘብከ ከመ አልቦ ዘይነሥእ አክሊለከ።

ትጋህ እንከ ወአጽንዖሙ ለእለ አልጸቁ ይሙቱ እስመ ኢረከብኩ ግብረከ ፍጹመ በቅድመ አምላኪየ።