Popular Bible Verses from ወንጌል ዘማርቆስ 15

Share

ወጊዜ ተሱዐት ሰዓት ገዐረ እግዚእ ኢየሱስ በዐቢይ ቃል ወይቤ ኤሎሄ ኤሎሄ ኤልማስ ላማ ሰበቅታኒ ዘበትርጓሜሁ ይብል አምላኪየ አምላኪየ ለምንት ኀደገኒ።

ወርእዮ ሐራዊ ሊቀ ምእት ዘይቀውም መንጸረ ከመ ከመዝ ግዒሮ ሞተ ይቤ አማን ዝንቱ ብእሲ ወልደ እግዚአብሔር ውእቱ።

ወተሠጠ መንጦላዕተ ምኵራብ ለክልኤ እምላዕሉ እስከ ታሕቱ።

ወገዐረ እግዚእ ኢየሱስ በዐቢይ ቃል ወመጠወ ነፍሶ።

ወሶበ ኮነ ጊዜ ቀትር ጸልመ ፀሐይ ወኵሉ ዓለም ጸልመ እስከ ተሱዐት ሰዓት።

ወመከረ ጲላጦስ ይግበር ፈቃዶሙ ለሕዝብ ወአሕየወ ሎሙ በርባንሃ ወቀሠፎ ለእግዚእ ኢየሱስ ወወሀቦሙ ይስቅልዎ።