Popular Bible Verses from ወንጌል ዘማርቆስ 11

Share

ወበእንተ ዝንቱ እብለክሙ ኵሎ ዘጸለይክሙ ወዘሰአልክሙ እንዘ ትትአመኑ ከመ ትረክቡ ወይከውነክሙ።

አማን እብለክሙ ለእመ ትብልዎ ለዝ ደብር ተንሥእ ወተወረው ውስተ ባሕር ወኢናፈቅሙ በልብክሙ ወተአመንክሙ ከመ ዘነበብክሙ ይከውን ወትረክቡ።

ወሶበሂ ትጼልዩ ኅድጉ አበሳ ለቢጽክሙ ዘተሓየስክምዎሙ ከመ ይኅድግ ለክሙ አቡክሙ ዘበሰማያት አበሳክሙ።

ወአውሥአ እግዚእ ኢየሱስ ወይቤሎሙ ሃይማኖተ እግዚአብሔር ርከቡ፤

ወመሀሮሙ ወይቤሎሙ አኮኑ ጽሑፍ ዘይብል «ቤትየሰ ቤተ ጸሎት ይከውን ለኵሉ አሕዛብ» ወአንትሙሰ ረሰይክምዎ በኣተ ፈያት ወሰረቅት።

እለሂ ይመርሑ ወእለሂ ይተልዉ ይኬልሑ ወይብሉ ሆሣዕና «ቡሩክ ዘይመጽእ በስመ እግዚአብሔር ።»

ወቡርክት እንተ ትመጽእ መንግሥት በስመ እግዚአብሔር እንተ አቡነ ዳዊት ሆሣዕና በአርያም።