Popular Bible Verses from መልእክተ ያዕቆብ ሐዋርያ 3

Share

ወእንተሰ እምላዕሉ ጥበብ ቀዳሚሃ ንጽሕት ይእቲ እንተ ታስተሰናኡ ወእንተ በዐቅም ኦሆ በሃሊት ወምልእት ምሕረተ ወፍሬሃ ሠናይ ዘእንበለ ኑፋቄ አማኒት።

ወመኑ ጠቢብ እምኔክሙ ወምኩር ከመ ያርኢ ምግባሮ በየውሀት ወበጥበብ እምሥነ ግዕዙ።

ወፍሬሃኒ ዘጽድቅ በሰላም ይዘራዕ ለእለ ይገብርዋ ለሰላም።

እስመ ኀበ ሀለወ ተቃንኦ ህየ ሀለወ ሀውክ ወካሕድ ወኵሉ እከየ ምግባር።

ባቲ ንባርኮ ለእግዚአብሔር አብ ወባቲ ንረግሞ ለዕጓለ እመሕያው ዘበአርኣያ እግዚአብሔር ተፈጥረ። እምአሐዱ አፍ ይፃእ ቡራኬ ወመርገም ኢይረትዕ ከመዝ አኀዊነ ይኩን።

ወልሳንኒ እሳት ይእቲ ለዓለም ዘዐመፃ ወናሁ ልሳንኒ ንስቲት ተፈጥረት ውስተ ነፍስትነ ወታረምፆ ለሥጋነ ወትሎሉ ክቡተ ፍጥረተነ ወታውዒ ጥቀ እምገሃነም።

ወለልሳነ ዕጓለ እመሕያውሰ አልቦ ዘይክል አግርሮታ እኪት ይእቲ ወአልባ ዐቅም ወምልእት ይእቲ ሕምዘ ዘይቀትል።

ወኢይኩኑ እምውስቴትክሙ ብዙኃን መምህራን አኀዊነ ተአምሩ ከመ እንተ ተዐቢ ደይነ ንነሥእ።