Popular Bible Verses from መልእክተ ጴጥሮስ 1 4

Share

ወእምኵሉሰ ዘይቀድም ተፋቀሩ በበይናቲክሙ በምልአ ልብክሙ እስመ ተፋቅሮ ይደፍኖን ወይደመስሶን ለኵሎን ኀጣውእ።

ወኵልክሙ በከመ ነሣእክሙ ፍቶ ለእግዚአብሔር በበይናቲክሙ ተለአኩ ከመ ኄር ላእክ እስመ ለለ አሐዱ ዘዘዚኣሁ ዕሴቱ እምኀበ እግዚአብሔር።

ወእለሂ ትሜህሩ መሀሩ ቃሎ ለእግዚአብሔር ወዘኒ ይትለአክ ለይትለአክ በኀይለ እግዚአብሔር ዘወሀቦ ከመ በኵሉ ይሰባሕ እግዚአብሔር በኢየሱስ ክርስቶስ ዘሎቱ ስብሐት ወኀይል ለዓለመ ዓለም አሜን።

ወእመሰ ከመ ክርስቲያናዊ ኢትኅፈሩ አላ ሰብሕዎ ለእግዚአብሔር በዝንቱ ስም።

እስመ ቀርበ ማኅለቅቱ ለኵሉ አንጽሑ ልበክሙ ወጸሐዉ ለጸሎት።

አኀዊነ ኢታንክርዋ ለእንተ ትመጽአክሙ መከራ ከመ ዘነኪር ግብር ዘይከውን ብክሙ ዳእሙ ይእቲ ወዘኢትለምዱሰ ይበጽሐክሙ። ዳእሙ ከመ ትሳተፍዎ በሕማሙ ለክርስቶስ ወትትፈሥሑ ከመ አመ ያስተርኢ በስብሐቲሁ ትትሐሠዩ ፍሡሓኒክሙ።

ወአፍቅሩ ነግደ እንዘ ኢታስተዓፅቡ።

ወእለኒ የሐምሙ በእንተ ፈቃዱ ለእግዚአብሔር ያማሕፅኑ ነፍሶሙ ኀበ ምእመን ፈጣሪ በገቢረ ሠናይ።

ወእመሰ ክርስቶስ ተሰቅለ በሥጋሁ በእንቲኣነ ወአንትሙኒ ተወልተዉ በይእቲ ኅሊና እስመ ዘሐመ በሥጋሁ ድኅነ እምኀጣውኡ። ከመ ኢይሕየው እንከ በፍትወተ ሥጋ አላ በፈቃዱ ለእግዚአብሔር ይፈጽም ተረፈ ሕይወቱ በሥጋሁ።

ወእመሰ ቦ ዘተዐየሩክሙ በእንተ ስሙ ለክርስቶስ ብፁዓን አንትሙ እስመ ስብሐቲሁ ወኀይሉ ለእግዚአብሔር ወመንፈሱ የዐርፍ ላዕሌክሙ።