Popular Bible Verses from Eksotus 2

Share

Is atahaijeg naunyauwaig ura a Atua, um imiehva intas etipup o un ehele Ebraham, im Aisak, im Jekob. Is alum nup Isreel a Atua, is lep aiheuc vai ra a Atua.

Is wat ti pan itac nadiat is ahinag, is mas a natimarid Ijipt: eris ohocred a nup Isreel va nauritai ehka, um ehtigtaig; is lep aridjai an nuhup u Atua nehtigtaig ura va nauaraheca ura.

Is wat alupas a inhalav, is imiapan yin aien ehele inhalav atahig u Fero, is lep hal o un aien. Is anvi nidan aien par ika Moses: is ika aien, Kis idim asei yin an wai ainyak.

Is ika ehelen a inhalav atahig u Fero, Namu leh inhalav inigki aiek, um aminjinai yin vai nyak, ekpu alupai euc nimtan ainyak. Is leh inhalav a intakata, um aminjinai yin.

Is apan a inhalav atahig u Fero mika yi ereuc an nofowai; eris lep atga an nahaijin wai a ilpu atahig o un; is wat ecetai nelcau aien irai auwau, is abrai naheca atahig o un aien mika yi apan um leh.

An nopan iyehki is wat ohoigmeto a Moses, is apan aien ehele ilpu etwan, um almoi nauritai ehka ura: is ecet nup Ijipt is ethi aien nauud vaig nup u Hibru is ethi irai ilpu etwan. Is easeas jipe aien, ja is wat eti ecet tah natimi aien, is atgei nup Ijipt aien, um adenai yin an nauanavig.