Popular Bible Verses from Niji auritai o ilpu Apostolo 2

Share

Is um ika ehele ra a Pitrus, Akumu adumoij anliinmopomia aijaua, um leh nabaptiso iramia asega an nidai Iesu Kristo, va uhpu eti aru nedo has unyimia; akupu leh nitai tup ahtai ineig aijaua, Nesgan Upene

Eris imyiisjis emda nesege o ilpu apostolo ara, im nauaraimu upene sjipe ura, im nisvisvihti nareto ura, im nalaigaheni.

Is amen alupas anliinmopura a Nesgan Upene, eris atupun ara um tas irai taka tas, is idivaig is alupai ra intas a Nesgan Upene.

Is auroauro um ahes an nohatag nohran tah is idivaig inmotjan nimtinjop alupas, is apaahni um ohua an neom ineig eris ateuc iran ara. Is ehcohos ehele ra namai atimi eris ahaig, is idivaig incop, is ateuc ijinies ira ra asega. Is amen alupas anliinmopura a Nesgan Upene, eris atupun ara um tas irai taka tas, is idivaig is alupai ra intas a Nesgan Upene.

Eris ehrasjapicnaig ara anliin neom ahlap irai iji adiat, is tup ethi ache inliinmopura, um iswiswoplec jipe nareto irai eom ura, um hag jipe, um cediaig anliinmopura inivaijec, um imyiahpas Atua, is upene inliinmopoi atimi asega vai ra. Is ikni natimi iji eigki eris imyiatamaig ra a Natimarid irai iji adiat an nakalasia.

um ika, “Et ika a Atua, Ekpu atladwi Nesgak ainyak ira atimi asega ira adiat apitac: erupu ahidan tas a ilpu halav atamaig unyimia im ilpu halav atahaig unyimia, erupu ecetai niji itai ehvaig a ilpu takuras unyimia, erupu umjeg ahnag a ilpu fatimi unyimia

Is tup ethi ache inliinmopoi atimi iji ehki asega eris imyiisjis ninivaijec ara, eris lep asipiaig niji itai asega ura ara; eris ahtai umara ara, im inpadiaig ura, um ahaig upene irai ilpu ihki atimi asega.

ja uhpu imyiatamaig ra asega era arohoan nidai Natimarid ara.”

etpu aupat nagesega, um idivaig inja inmohoc, ja etpu yetpam nadiat alupas um esjilid o Natimarid