Popular Bible Verses from मत्ति 18

Share

इवुर या मुवुरजन बगा नावा पोरोयते जमा आन्तोर ओद सबोय जागातिगा नना ओरा नडुम मन्तोना इन्जोर नना मिकुन इन्तोना।”

असा नना इन्तोना “दरतितिगा बोदायि पोल्लोसाटि मियागडाल इवुरजन उन्दि मन आस अदेन तलकिर ते ओद नावोर स्वरगतोर बाबोनिकेडाल ओरा साटि आयार।

असके ओर वरोर नोनान हेरे केयस ओरा नडुम निपिहतुर, “निमाट बदले मास बालक लेहका आयवि आयकिट ते निमाट स्वरग राज्यतिगा बसकेय हन्दिला परवि आयकिट इन्जोर नना मिकुन खरोय इन्तोना।

इन्जोर बोरायि आपुनतुन येर बालकिन लेहका हुडलोर कियानुर ओर स्वरग राज्यतिगा सबोयताल हजोर आयनुर।

अनि इदाम वरोर बालकिन बोरायि नावा पोरोयते स्विकार किन्तोर ओर नाकुन स्विकार किन्तोर।”

येसु असा इतुर, “निमाट दरतितिगा बाताले दोहकिट ओद स्वरगतिगा दोहका, अनि निमाट बाताले दरतितिगा तरियकिट ओद स्वरगतिगा तरियका” इन्जोर नना मिकुन खरोय इन्तोना।

इदाम लेहका मियागडाल वरोर वरोर मानेय आपुनोर तमोन मन्दे खरोय मापि केवोर आयनुर ते स्वरगतिगा मन्तोर नावोर बाबो अदामे मिकुन वने मापि केवोर आयनुर।”

अनि येसु असा इतुर, “नावागा विस्वास किन्तोर येर हुडलोरकनिगाडाल बोरे वरोन पाप किहान साटि बोरे कारण आयनुर ते ओना गुळंगातिगा जतातुन दोहचुन ओन समुद्रतिगा दुरसानाताल पकाय हजोर दन्ड ओन पुटार।

येसु असा इतुर, “नना मिकुन उन्दि प्रश्न पुच्चेमान्तोना! वरोर मानेयना उन्दिनुर बेळांग मन्तांग इदाम विचार किम्ट, अनि अगडाल उन्दि मायितु ते ओर निन्यानव बेळाहकुन हरचिस बाताल मायता बेळातुन मटा पोरो हन्जुन पळकोर आयनुर? निमाट बाताल विचार किन्तोरिट?