Popular Bible Verses from युहनाल 17

Share

अनि निया पोल्लो खरोय मन्ता इन्जोर निया बुतो कियान साटि ओद खरोय पोल्लोता द्वारा ओरकुन निमा तयार किम।

अनि निमाय उन्दिय खरोय परमेस्वर मन्तोन अनि निमाय नाकुन लोहतोन अनि नना येसु मसिहा आन्दान इदाम नाकुन पुन्तोरक ओरकुनेय अनन्त जिवा पुटार।

अनि येसु असा प्रार्थना कितुर, “नना केवल येरे लोकुरक साटि विनन्ति केवोन मति ओरा पोल्लोता द्वारा नावागा विस्वास कियानुरक सबोय लोकुरा साटि नना विनन्ति किन्तोना। अनि ओरक सबोय लोकुरक उन्दि आयान साटि, हे बाबो, बदाम निमा नावागा मन्तोन अनि नना नियागा मन्तोना अदामे ओरक वने मावागा मनिर इदेनते निमा नाकुन लोहतोन इन्जोर दुनिया विस्वास कियान साटि नना विनन्ति किन्तोना।

अनि निमा ओरकुन दुनियाताल ताहचुन ओम इदाम नना विनन्ति केवोन मति निमा ओरकुन सयताना कयदाल पिसिहला पहाजे इन्जोरे नना विनन्ति किन्तोना।

अनि माक बदाम उन्दिय मन्तोरोम अदामे ओरक वने उन्दि आयिरक इन्जोर निमा नाकुन हितोन ओद मान नना ओरकुन हितोना। ओरक सबोय रितिते उन्दि आयान साटि नना ओरिगा अनि निमा नावागा मन्तोन। अदाम, निमा नाकुन लोहतोर अनि निमा नाकुन मया किन्तोन अदाम लेहका ओरकुन वने निमा मया किन्तोन इन्जोर दुनियाता लोकुरक पुनिर।