Popular Bible Verses from Markus 13

Share

Ay ginanya ban fag ngay menit, fagayu ban taw kauri ayu, aroro gafanud am sa angku. Ay dewa katanya at namabakvd sat fagafanudun sitsigons fakatabuan umlangfe tua ban.

Mataganani tua gugat ay mafuloani, aroro wam nasaful te, ginanya nu kadasug au.

Ay e namasalubang ban ayu sa sangay fun laman nanginsaful te, o e asalanan am. Ay ginanya ban fag menit, lag am gafanawa sabaliwa ay fagnanlongun. Aroro ginanya ban e gfamatanganan ayu sik longan at masine, laman mafafoyung tuam sanya fag ngay taw. Aroro bunwa ban am tagaringang, nu bunway at Masine tua fag Falad.

Banwa ay daga kalyam way ban, dewa katanya, ku longan ban sanya tua gugat kabavn.

“We taw nasaful te, ginanya ban fag menit ay fag buknga nu kafoli au. Anggan Dius at ngay tagbarita sis banwa wa yangay nasaful. Ay au oma, Dius at Baguama, kwa nasaful. Ku Mama way lang tagsaful.

Ay dewa ban am nadungug ngay awayan at munakbang si ayu, ay e dungganan am te, e gawayan ngayayu, lag kalimu. Matuyan, umfasludan ban takatanya, dewa katanya, bunya kanya at fakatabuan fag ngay menit.

Nu katanya, mafalganani tua gugat, aroro wam nasaful te, ginain ban tagbilug bale nu guli. Malgau kanya nu kadasug sas fafun, ay swabilug yabi, ay gakamenitun, ay mannga sbalabag. Mataganani, laman dewa ndasug masakit, nu glag ayu diam gtiug. Nu katanya, glong au sa ayu ay sas fagayu te, mafalganani.”

Aroro tibak talun ban at ngay taw at fagfawayanun tiba yangayk talun at ngay taw. Ay sik fun at ngay taw gfawayan yangay ban sik fun at ngay taw, ay sa ban tibak talun e faleleg ay maksvn nu malunus. Takatanya fagayu famasigad takadasug fag ngay fagidapun, kata sik mangena nu gidapan gina gafasalugun.

Ay nu gakafasludanun wan takatanya, famoyungi yap at Masine fag Barita sas fagayu talun.

Aroro ngayu bank taw kadasug ay glong te, ‘Au wan Dius at nafili fag Fun’ ay gdaya ban ngayuk taw.

“Mataganani ay sadili, aroro e tumaban ban ayu sas taw Udyu at ngay fagtainan ay e namalang ban ayu sa sangay bale fakafulan, ay nanalubang ban am ngay afud talun at ngay fun sirut ay sat ngay fun at daga salubangan aroro gafanud am sa angku. Ay ginanya ban mafafamoyung am sabaliwa angku.

E kadasug ban ay kamuag te, ‘Au wan Dius at nafili fag Fun,’ ay ‘Au wan at sadi Dius at taglong.’ Ay kanya ban namalag at madulo ay at mabalyanan fag ngay fakamulun, laman nanfamaskudan nanfandaya anggan Dius at nafili fag ngay taw.

“Ginanya ban fag ngay menit, nu nlangfe wan kafag faurianan, ‘menit ban umdulum, ay magdanun wa gyamag ya, ay anggan ban ngay galeme katong siginans banwa, ay fagayu ke fagmabalyananun sis banwa muigan.’