Popular Bible Verses from Malakyas 3

Share

Dewa katanya, katsi glong au ayu te, faskudi angku. Bubai fagayu ay fasafulu ay suadi sas fagfungsuan si ku bale laman e fakonun sanya. Nu nafakamulun tua ban am takatanya, gluang kban banwa at fagbanawanan laman gfadasug au sa ayu ngayuk famonun, ay wa ban sak ya sa ay ngay fagfungsuan.

Ay gsalag kban ngay ulud nu namamin ay nu nanrabas ay ngay tanum wat ubas at ngay rawvg. Ay ginanya ban, fagayu talun at taw gfangayan ayu te, at manabayan fag talun, aroro ay ngay furuan at masine fag fagbanwanan. Au, Yawi at Mabalyanan, taglong tuy.”

Yawi at Mabalyanan nalong sa sangay tagafanud te, “Gina kban gfaurianan fag menit, gagbilug kban ayu, ay gtuyan au te, am wan ku ngay taw. Kwa gfaurianan ayu, kata sik mama nu yud gfaurianan at ngay sisian tagfaning anya. Ay fagayu ban taw sumaful at matuyan ay at mauri fag ngay taw at fagsamanun, ay tagfakamulun sa angku ay at yud gfakamulun at fagsamanun.”

Dungugani, Yawi at Mabalyanan glong te, “Namadasug kban ku fagsuguan laman namalganan ku dalan. Sanya ginan, ay fagfanyaun fag Fun umdasug wan sat bale. Kadasug ban ku fagsuguan at namafasludan ku nasadian.”