Popular Bible Verses from मरकुस 13

Share

अउर हमरे बात काहीं मानँइ के कारन सगले मनई तोंहसे दुसमनी रखिहँय; पय जे कोऊ अन्त तक धीरज धरे रही, उहय मुक्ती पाई।

देखा, हमेसा सतरक रहा, अउर प्राथना करत रहा; काहेकि तूँ पंचे नहीं जनते आह्या, कि उआ समय कबय आय जई?

जब ऊँ पंचे तोंहईं लइ जाइके उनखे आँगे ठाढ़ करँय, त पहिलेन से चिन्ता न किहा, कि हम कउनमेर से, इआ कि का कहब, पय जउन कुछू तोंहईं उआ समय बताबा जाय, उहय कह्या; काहेकि बोलँइ बाले तूँ पंचे न होइहा, बलकिन पबित्र आत्मा होई।

धरती अउर अकास टर जइहँय, पय हमार कही बातँय कबहूँ न टरिहँय।”

“उआ दिन अउर उआ समय के बारे माहीं कोऊ नहीं जानँय, न स्वरग के दूत, अउर न लड़िका, ओखे बारे माहीं केबल पिता परमातिमा भर जानत हें।

अउर तूँ पंचे जब युद्ध होत देख्या, अउर युद्धन के चरचा सुन्या, त घबराय न जया, काहेकि ईं सगली बातँय जरूर होइहँय, पय उआ समय संसार के अन्त न होई।

एसे हर समय सतरक रहा, काहेकि तूँ पंचे नहीं जनते आह्या, कि घर के मालिक कबय अई, साँझिके अई, इआ कि आधी रात अई, इआ कि मुरगा बोलँइ के समय अई, इआ कि भिनसरहय अई। अइसा न होय कि मालिक अचानक आइके तोंहईं सोबत पाबय। अउर जउन बात हम तोंहसे कहेन हय, उहय बात सबसे कहित हएन: सतरक रहा!”

काहेकि एक जाति के मनई, दुसरे जाति के मनइन के ऊपर चढ़ाई करिहँय, अउर एक देस, दुसरे देस के ऊपर चढ़ाई करी, अउर हरेक जघन माहीं अकाल परिहँय, अउर भुँइडोल होइहँय। अउर ईं सगली बातँय दुख-मुसीबतन के सुरुआत होइहँय।”

पय इआ जरूरी हय, कि पहिले परमातिमा के खुसी के खबर, सगली जातिअन के मनइन काहीं बताई जाय।

खुब जने हमरे नाम से आइके कइहँय, ‘हम मसीह आहेन!’ अउर खुब मनइन काहीं बिसुआस से भटकाय देइहँय।

पय तूँ पंचे अपने बारे म सचेत रह्या; काहेकि कुछ लोग तोंहईं लइ जाइके महासभन माहीं सउँपिहँय, अउर सभाघरन म मरिहँय-पिटिहँय, अउर तूँ पंचे हमरे बात काहीं मनते हया, एखे कारन अधिकारिन अउर राजन के आँगे ठाढ़ कीन जइहा, उआ समय हमरे बारे माहीं उनहीं बतामँइ क निकहा मोका रही।

काहेकि लबरे मसीह, अउर परमातिमा के सँदेस बतामँइ बाले लबरे मनई तइआर होइहँय, अउर ऊँ पंचे बड़े-बड़े चिन्ह अउर अचरज के काम देखइहँय, कि होइ सकय त चुने मनइन काहीं घलाय भटकाय देंय

“ऊँ दिनन माहीं उआ दुख अउर कस्ट के बाद सुरिज म एक्कव उँजिआर न रहि जई, अउर जोंधइआ एक्कव उँजिआर न देई; अउर अकास से तरइया गिरँय लगिहँय; अउर अकास के सगली चीजँय हलाई जइहँय।