Popular Bible Verses from मरकुस 1

Share

भिनसरहय सुरिज निकरँइ से खुब पहिलेन, यीसु उठिके, घर से निकरिके सुनसान जघा माहीं गें, अउर उहँय प्राथना करँइ लागें।

अउर ऊँ कहिन, “सही समय आइगा हय, अउर हरबिन परमातिमा राजा बनिके आमँइ बाले हें; पाप करब छोंड़िके परमातिमा के लघे आबा, अउर खुसी के खबर के बिसुआस करा।”

यीसु जइसय पानी से बहिरे निकरिके ऊपर आएँ, तबहिनय ऊँ अकास काहीं खुलत अउर पबित्र आत्मा काहीं अपने ऊपर परेबा के रूप म उतरत देखिन। अउर इआ अकासबानी भय, “तूँ हमार पियार लड़िका आह्या, हम तोंहसे प्रसन्न हएन।”

हम त तोहईं पंचन काहीं पानी से बपतिस्मा दिहेन हय, पय ऊँ तोहईं पबित्र आत्मा से बपतिस्मा देइहँय।”

यीसु उनसे कहिन, “हमरे पीछे चले आबा, हम तोंहईं मनइन काहीं परमातिमा के लघे लइ आमँइ बाला बनाउब।” अउर ऊँ पंचे तुरन्तय जालन क छोंड़िके यीसु के पीछे चल दिहिन।

अउर मनई उनखे उपदेस काहीं सुनिके चउआइगें; काहेकि यीसु उनहीं मूसा के बिधान सिखामँइ बालेन कि नाईं नहीं, बलकिन अधिकारी कि नाईं उपदेस देत रहे हँय।