Popular Bible Verses from लूका 18

Share

पुनि यीसु रोज प्राथना करँय, अउर हिम्मत न हारँइ चाही, एखे बारे माहीं उनहीं एकठे उदाहरन बताइन

त का परमातिमा अपने भक्तन के न्याय न चुकइहँय? हाँ, जउन दिन-रात उनहीं पुकारत रहत हें? का परमातिमा उनखे खातिर देरी करिहँय? नहीं। हम तोंहसे कहित हएन, परमातिमा हरबिन उनखर न्याय चुकइहँय। तऊ मनई के लड़िका जब अई, त का उआ धरती के मनइन माहीं बिसुआस पाई?”

यीसु कहिन, “जउन काम मनई से नहीं होइ सकय, उआ परमातिमा से होइ सकत हय, काहेकि परमातिमा सब कुछ कइ सकत हें।”

कुछ समय तक त उआ न्यायधीस न मानिस, पय अन्त माहीं अपने मन माहीं बिचार किहिस, हम न त परमातिमा काहीं डेरई, अउर न त मनइन के कउनव परबाह करी; तऊ इआ बिधबा हमहीं परेसान करत रहत ही, एसे हम ओखर न्याय चुकाउब, कहँव अइसा न होय कि उआ हर बेरकी आइके हमहीं परेसान करय।”

हम तोंहसे सही कहित हएन, कि जे कोऊ परमातिमा के सँदेस के बात छोट क लड़िका कि नाईं न अपनाई, त उआ परमातिमा के राज माहीं कबहूँ न जाए पाई।”

यीसु छोट-छोट लड़िकन काहीं अपने लघे बोलाइके चेलन से कहिन, “छोट-छोट लड़िकन काहीं हमरे लघे आमँइ द्या, अउर उनहीं न बरजा: काहेकि जे कोऊ छोट-छोट लड़िकन कि नाईं अपने काहीं नम्र बनइहँय, उँइन परमातिमा के स्वरगराज के भागीदार बनिहँय।

यीसु उआ आँधर मनई से कहिन, “देखँइ लागा, तोंहार बिसुआस तोंहईं नीक किहिस ही।”

यीसु ओसे कहिन, “तूँ हमहीं उत्तम काहे कहते हया? कोऊ उत्तम नहिं आय, केबल एकठे परमातिमय भर उत्तम हें, अउर उनखे अलाबा कोऊ नहिं आय।