Popular Bible Verses from लूका 14

Share

“अगर कोऊ हमरे लघे आबय, अउर अपने महतारी-बाप, अउर लड़िका-मेहेरिआ, अउर भाई-बहिनिन काहीं, अउर अपने प्रान काहीं पियार मानत हय, त उआ हमार चेला नहीं बन सकय

अउर जे कोऊ आपन क्रूस उठाइके हमरे पीछे न चली अरथात दुख-तकलीफ सहिके, हमरे बातन काहीं न मानी, उआ हमार चेला नहीं बन सकय।

काहेकि जे कोऊ खुद काहीं बड़ा बनाई, उआ परमातिमा के व्दारा छोट कीन जई: अउर जे कोऊ खुद काहीं छोट बनाई, त उआ परमातिमा के व्दारा बड़ा कीन जई।”

इहइमेर से तोंहरे पंचन म से, जे कोऊ आपन सब कुछ छोंड़ न देई, उआ हमार चेला नहीं होइ सकय।”

तोंहरे पंचन म से अइसन कउन हय, जउन बड़ा घर बनामँइ चाहत होय, अउर पहिले बइठिके खरचा न जोरय, कि सगला घर बनामँइ के हिम्मत हमरे हय कि नहीं? कहँव अइसन न होय, कि नेव भर देय अउर घर न बनाए पाबय, तब सगले देखइआ, इआ कहिके ओखर हँसी उड़ामँइ लागँय, इआ ‘मनई घर त बनामँइ लाग, पय बनए नहीं पाइस?’

पय जब तूँ भोज करा, त कंगालन काहीं, लूलन-लँगड़न काहीं, अउर अँधरन काहीं बोलाबा। तब तूँ धन्य कहइहा, काहेकि उनखे लघे तोंहईं बदला देंइ के खातिर कुछू न रही, पय धरमिन के दुबारा जिए के बाद, स्वरग माहीं तोंहईं एखर प्रतिफल जरूर मिली।”

यीसु पुनि कहिन, “नोन त निकहा होत हय, पय अगर ओखर सखरई खतम होइ जाय, त फेर उआ कउने चीज से सखार कीन जई। अउर उआ न भुँइ के, अउर न त खादय के काम आबय, ओही सगले मनई बहिरे फेंकि देत हें। जेखर सुनँय के मन होय, उआ बड़े ध्यान से सुन लेय।”