Popular Bible Verses from मरकुस 12

Share

यीशु ल वे तैं जवाब दे सभि आज्ञाओं मा बट्टी या आज्ञा मुख्य च “हे इस्राएल का लुखुं सूंण प्रभु हमारो परमेश्वर जैकी हम भक्ति करदयां उ एक ही प्रभु च” अर तु प्रभु अपड़ा परमेश्वर से अपड़ा सैरा मन से अर अपड़ा सैरा प्राण से अर अपड़ी सैरी बुद्धि से अर अपड़ी सैरी ताकत से प्रेम रखि। अर दुसरी या च कि जन प्रेम रख तु अफ बट्टी रखदि उन ही तु दुसरा लुखुं बट्टी भि रखा अर यां बट्टी बड़ी और महान आज्ञा कुई नि च।

वेल अपड़ा चेलों तैं नजीक बुलै के ऊंकु बोलि “मि तुम मा सच बुल्णु छौं कि परमेश्वर बट्टी मन्दिर का भंडार मा दान डलण वलो मा बट्टी ई विधवा ल सबसे जादा अर बड़ी के डाली।” किलैकि सभियूं ल जु धनवान छा अपड़ा धन कि बढ़ती मा बट्टी जु कै कम डाली पर वीं ल अपड़ी घटति मा बट्टी जु कुछ वीं मा छो जै तैं व अपड़ा जरूरत कु इस्तेमाल कैरी सकदी छै डाली दींनि।

परमेश्वर बट्टी मन्दिर का भंडार का संमणी यीशु बैठी के दिखणु छो कि लोग मन्दिर का भंडार मा कन कै पैसा डलदींनि अर भौत सैरा सेठु ल भौत धन डाली छो। इथग मा एक गरीब विधवा ल ऐ के द्वी दमड़ि ज्यांको मतलब द्वी तांबा का सिक्का छा जुंकि सभि लुखुं का संमणी कुई कीमत नि छै डलिनि।

अर वे एक ही परमेश्वर तैं तु अपड़ा सैरा मन, अपड़ा सैरी बुद्धि, अर अपड़ा सैरा प्राण अर अपड़ी सैरी ताकत से प्रेम रख, यु सैरा बलिदानों अर सैरा दानों मा दींण से बढ़ि के च।

यीशु ल ऊंमा बोलि, “जु कैसर बट्टी जुड़ियूं च वे तैं कैसर तैं द्यावा अर जु परमेश्वर बट्टी जुड़ियूं च वे तैं परमेश्वर तैं द्यावा तब उ, ऊं पर भौत भैचक कन लगि गैनी।”