Popular Bible Verses from याकूब 4

Share

इलै पिता परमेश्वर का अधीन हवे जावा; अर शैतान का तरपां बट्टी आंण वला बुरा कामों कु विरोध कैरा, त उ तुमारा संमणी बट्टी भागि जालो।

पिता परमेश्वर का नजदीक आवा त पिता परमेश्वर भि तुमारा नजदीक आलो हे पापियों, अपड़ा जीवन तैं पाप बट्टी दूर रखा। अर हे दुछड़िया लुखुं अपड़ा मनों तैं पवित्र कैरा।

प्रभु का संमणी दीन बंणि जावा, त उ तुमारो आदर करलो।

पर पिता परमेश्वर जु हम तैं और भि जादा अनुग्रह दींद कि हम बुरी इच्छा का खिलाफ खड़ा हवे साका; इलै पिता परमेश्वर का वचन मा लिख्युं च, “पिता परमेश्वर घमण्ड़ियों को विरोध करदो, पर नम्र लुखुं पर कृपा करदो।”

इलै जु कुई भलै कन जंणदु अर नि करदो, वेको यु पाप च।

तुम मंगदा छा अर पांदा नि छा, इलै कि बुरी इच्छा बट्टी मंगदा, कि अपड़ा भोग-विलास मा उड़ै द्या।

हे विश्वासघाती लुखुं अर व्यभिचारी लुखुं क्य तुम यु नि जंणद्यां, कि दुनिया बट्टी प्रेम रखण मतलब पिता परमेश्वर दगड़ी बैरभाव रखण च, इलै जु कुई दुनिया को दगड़िया बनण चांद, त उ अपड़ा आप तैं पिता परमेश्वर को बैरी बणादो।

पर तुम यु नि जणद्यां भोल कि होलो। सूंणि त ल्या, तुमारो जीवन छै ही क्य च? तुम त मांणा कुयडा का जन छा, जु जरा देर दिखै दींद, अर फिर हर्ची जांदी।