पर पतरस ल बोलि, “हे हनन्याह किलै शैतान तैं तिल मौका द्ये कि उ तेरु दिल मा पवित्र आत्मा बट्टी झूठ बुल्णों को विचार डालो। किलै तिल वेकी बात सूंणि अर तिल अपड़ी बिकीं भूमि को एक भाग अफ कु रखि द्ये” क्य बिकै जांण का बाद उ भूमि तेरी नि छै? अर जब बिकी गै त वेको दाम क्य तेरु वश मा नि छो? तेरु मन मा इन बुरा कामों कु विचार किलै ऐ? तिल मनिख्युं मा न बल्कि परमेश्वर बट्टी झूठ बोलि। यूं बातों तैं सुंणदा ही हनन्याह भूमि मा भुयां लमडी, अर वेकी मौत हवे गै अर सब सुनण वलो पर बड़ो डौर छै गै।