Popular Bible Verses from 1 पतरस 1

Share

हमारा प्रभु यीशु मसीह का पिता परमेश्वर को धन्यवाद हो, पिता परमेश्वर ल हमारा प्रति अपड़ी बड़ी दया ल हम तैं एक नयो जीवन दये। किलैकि पिता परमेश्वर ल यीशु मसीह तैं मुर्दों बट्टी ज्यून्दो कैरी, वेल हम तैं भौत आत्मविश्वास का दगड़ी जीवन जींणा का योग्य बणै; मतलब यु कि ऊं चीजों तैं पांणै की पूरी आस कैरी सकदां जु वेल हम तैं दींणों को वादा कैरी, हम ऊं महान आशीषों तैं पांणु कु अगनैं का तरपां दिखदां जु पिता परमेश्वर अपड़ा लुखुं कु रखद। वेल ऊं तैं तुम कु स्वर्ग मा रख्युं च, जख उ सड़दी नि च, या खराब नि हूंद

तुम तैं यूं सभि चीजों का बारा मा खुश हूंण चयणु च, चाहे अभि थोड़ा बगत कु ही किस्म-किस्म की परेशानियां तुम तैं दुखी कैरो, यूं मुसिबतों कु उद्देश्य यु दिखांण च कि क्य तुम सच मा पिता परमेश्वर पर विश्वास करदा छा। यीशु मसीह मा तुम्हरो विश्वास सोना बट्टी भि जादा कीमती च। जन नाश हूंण वला सोना तैं आग मा परखै जांद अर शुद्ध किये जांद, उन ही तुम जु तुम्हरो विश्वास आग की अजमैशों का द्वारा परखै जांणा का बाद भि मजबूत रांदो, त यु वे दिन तुम तैं भौत प्रशंसा अर महिमा अर सम्मान दिलालो जब यीशु मसीह फिर से आलो।

पर अब तुम तैं हर काम मा जु तुम करदा पवित्र हूंण चयणु च, जन की पिता परमेश्वर पवित्र च जैल तुम तैं अपड़ा बच्चा हूंणु कु चुणि। किलैकि पिता परमेश्वर का वचन मा लिख्युं च, “तुम तैं पवित्र हूंण चयणु च किलैकि मि पवित्र छो।”

पिता परमेश्वर की आज्ञाओं तैं मांणा जन अच्छा बच्चा अपड़ा बुबा की आज्ञाओं तैं मणदींनि। ऊं बुरा कामों तैं नि कैरा जौं तैं तुम तब कने की इच्छा रखदा, जब तुम पिता परमेश्वर की सचै तैं नि जंणदा।

इलै, अनु के सोचा अर अफ पर-भस रखणों कु अभ्यास कैरा (या, अच्छा ढंग से सोचा कि तुम क्य कन वला छा अर अफ तैं-वश मा रखा) वीं उद्धार की आस लगै के रखा जु दया ल आंदी जु तुम तैं दिए जालो जब यीशु मसीह फिर से वापिस दुनिया मा आलो।

पिता परमेश्वर को वचन यु बुल्दो, “सभि लोग घास का जन छिनी अर वेकी सैरी सुंदरता जंगली फूलों का जन च। घास सूखि जालो अर फूल धरती पर झड़ी जाला।” पर पिता परमेश्वर को वचन हमेशा बणयूँ रालो। यु वचन मसीह का बारा मा शुभ सन्देश प्रचार च जु तुम्हरा बीच प्रचार किये गै।