Popular Bible Verses from Romanos 8

Share

Kꞌawua bꞌea izhi kʉãgꞌa bꞌeta Daizezeba kꞌãrẽ berabꞌaribi bꞌʉra jõma kꞌarebata biaitabema, maʉ̃ta izha kꞌãrẽ kꞌaudꞌa bꞌeabiita trʉ̃kuadꞌaitabema.

Mawũẽ mʉã kꞌawuaidꞌera bebubara, zuburia nʉmʉbara, ángelerãbara, zhi zromarãbara, zareata jairãnebara, idꞌibemabara, nubemabara, jaita ʉ̃tʉ, eidꞌu nʉmʉbara, miã ne awʉrʉbara dazhira ãĩ tʉ bꞌe ẽã Daizezeba kʉãgꞌata bꞌera Jesucristo dazhirã Nokꞌodꞌeba.

Aramaʉ̃ kĩrãkꞌa dazhira Jawurebiaba kꞌareba bꞌʉa dazha bꞌe ẽãnebemane. Daizezea kꞌãrẽ bigata widꞌiira dazhara kꞌawua ẽã. Mawũãmina Jawurebiata dazhibari ʉ̃ĩ-ʉ̃ĩã zhiwidꞌi bꞌʉa, maʉ̃ sãwũãta jaraidꞌe bꞌʉ ẽã.

¿Mawũẽ maʉ̃ẽnabema kꞌasia adꞌaipe? Daizezeta dazhiaare bꞌʉra, ¿dazhira kꞌaiba sãwũãĩpe?

Idꞌira Jesucristo ũme bꞌera bedꞌea bara duanu ẽã, mawũã duanu ẽã zharadꞌebemane duanu ẽãta, awuarabʉrʉ mawũã bꞌea Jawurebiadꞌeba bꞌeta.

Zharadꞌebemata krĩcha bꞌʉra aduaita beuya, mawũãmina Jawurebiadꞌebemata krĩcha bꞌʉra Daizeze ũme bꞌai jõ ẽã bꞌaya adu-a.

Maʉ̃ zuburiara dazhirãbara jõma edre bꞌaebibada Jesucristodꞌeba dazhirã kʉãgꞌadꞌeba.

Wãrãnebai zuburiata idꞌi ewadebema kꞌãrẽ ẽã, ewarita uruba Daizezeba dazhi bia bꞌʉita.

¿Dazhira kꞌaiba ãĩ tʉipe Cristoba kʉãgꞌata bꞌera? ¿Zuburia nʉmʉbara, sopua nʉmʉbara, bĩ ẽã odꞌaita pẽwã nʉmebara, jarrabadꞌe nʉmʉbara, wua ne ẽã nʉmʉbara, menajachadꞌe nʉmʉbara, kuchoba beaita nʉmebara ãĩ tʉika?

Mawũãmina Daizezebara dazhi sora ũdu kꞌawua bꞌʉba kꞌawua bꞌʉa Jawurebiaba kꞌãrẽ widꞌi bꞌʉra, izhira Daizezeba krĩñane zhiwidꞌi bꞌʉa izhidꞌerãĩta.

Jõma Daizeze Jawurebiadꞌeba nʉmerã Daizeze warrarã.

Zharadꞌebemane bꞌera krĩcha bꞌea zharadꞌebemane. Mawũãmina Jawurebiadꞌeba bꞌera krĩcha bꞌea Jawurebiadꞌebemata.

Daizezebara miã zhi Warrasidꞌa wããgꞌa ẽbasia, awuarabʉrʉ bebuidꞌu chãbꞌarisia dazhirã jõmaʉ̃bari. ¿Mawũẽ dazhirãã sãwũã ne jõma dia ẽbaipe zhi Warra bawaraua?

Abꞌaʉ Jawurebiaba dazhi jawurea kꞌawuabi bꞌʉa dazhira Daizeze warrarãta. Mawũã zhi warrarã baera Daizezeba ne erubꞌʉta jidadꞌaya Cristo bawarauba, izhi zuburiadꞌa kĩrãkꞌa zuburiadꞌara Daizezebara Cristo bawara bia bꞌʉya.

Zharadꞌebemata krĩcha bꞌedꞌeba Daizezeba jurata bꞌebara Daizeze ũrãgꞌara aribꞌaedꞌa ẽã, miã bꞌedꞌa ẽã.

Ne jõma izha okuadꞌabara maʉ̃ta krĩña bꞌeba jʉ̃ã bꞌea ũdubimarẽã zhi warrarã bia nʉminapʉta Daizezeba.

Kꞌawua bꞌea izha ne jõma okuadꞌara puaba ʉ̃ĩ-ʉ̃ĩã bꞌea, wũẽrã toi puabari kĩrãkꞌa pua bꞌea idꞌibasiidꞌu.