Popular Bible Verses from Romanos 12

Share

Naʉ̃ ẽjũãne bꞌedꞌe bꞌearãũdua, awuarabʉrʉ krĩcha zhiwidꞌidꞌe nʉmeba kĩrãẽpa bꞌeaudua, mawũãrã kꞌawuadꞌaya Daizezeba kꞌãrẽ krĩñata, jipa biata krĩñata.

Mawũẽ mebẽrã, Daizezeba sozuburiadꞌaba mʉã marãã jaraya, marã kꞌakuara izhaa chãbꞌaribʉdata Daizezeba krĩñane bꞌeaudua, marã mawũãrã wãrãne izha krĩñane nʉmeãña.

Daizezedꞌeba kꞌãrẽ jidaita krĩcha jʉ̃ã bꞌeba sobia bꞌeaudua, zuburia nʉmʉrã zrogꞌaudua, baridua zhiwidꞌiudua.

Abꞌarika o ẽãba bia ẽã edre bꞌaerãrũã, awuarabʉrʉ biata obʉrʉba edre bꞌaebirua bia ẽãta.

Mebẽrãne zhi kʉãgꞌa bꞌeaudua. Zhiya zhi wawiaitrʉ bꞌeaudua.

Soidꞌu zhi kʉãgꞌa bꞌeaudua. Bia ẽãrã o ẽã ũduamaʉ̃dua, oudua biatrʉ.

Marãba osia bꞌʉra obʉdata adu-a bꞌeaudua jõmaʉ̃ bawara.

Marã mʉã kʉãgꞌata bꞌea, iabꞌaʉba marãta bĩ ẽã ora abꞌarika orãũdua, awuarabʉrʉ idaribiudua Daizezeba kĩrũbiba pua kꞌawua omarẽã. Maʉ̃ẽnabemata zhi bꞌʉmata mawũã bꞌʉa: Mʉrẽã zhãrã kꞌawua oira, kꞌãrẽ odꞌadꞌeba mʉãbʉrʉ kꞌawua oya, maʉ̃ta jarabʉrʉa Nokꞌoba.

Kꞌãrẽ oita kꞌoa bꞌearãũdua. Jawurebiadꞌeba kꞌãrẽ oitrʉ bꞌeba Nokꞌo Jesúsba krĩñata oudua.

Daizezeba izhi biaba kꞌãrẽ jarabi nʉmʉba mʉã marãã jaraya, miõta izhikusa krĩchaidꞌe bꞌʉ ẽã izhira audre zhi zromata, awuarabʉrʉ izhikusara krĩchaidꞌe bꞌʉa soidꞌu kꞌobꞌʉba kꞌãrẽ oira Daizezebara diasita abꞌa abꞌaʉa.

Iabꞌaʉba marãta bĩ ẽã ora abꞌarika bĩ ẽã orãũdua. Biata oudua jõmaʉ̃ kĩrãbita.

Mazhirãĩnu bia bꞌeaudua, zhãrã kꞌãñabara zhi zromane bꞌearãũdua, awuarabʉrʉ zuburia bꞌe bawarara abꞌarikadꞌe bꞌeaudua. Krĩcha banane bꞌearãũdua mazhi krĩchaba.

Maʉ̃ba bʉ jura bꞌʉta jarra kꞌobꞌʉra nekꞌobirua. Obisia kꞌobꞌʉra baniã dobirua. Mawũã obʉrʉbara bʉta bĩ ẽã odꞌaba peraya.

Ibia jaraudua marã bĩ ẽã oita pẽwã bꞌera. Ibia jaraudua ikꞌazhirua jararãũdua. Sobiaudua sobia bꞌe bawarara. Jẽgaudua jẽga bꞌe bawarara.

Kꞌãrẽ diaudua Daizezedꞌebema zuburia kꞌãrẽ nesidꞌa bꞌera. Bia edaudua deidꞌu zebʉdara.

Dazhira kꞌakua abꞌaʉta ne bio bꞌʉa, mawũãmina ne biota jõmaʉ̃bara ne abꞌaʉta odꞌa ẽã. Dazhirãta aramaʉ̃ kĩrãkꞌa bꞌeta biota kꞌakua abꞌa bꞌea Cristodꞌeba, aramaʉ̃ne jõma zhiya abꞌaʉdꞌebemata bꞌea.