Popular Bible Verses from Marcos 10

Share

Aramaʉ̃ kĩrãkꞌa mʉ Beubari Bape bꞌʉra ze ẽbasia zhãrãba aribꞌaedꞌamarẽã, awuarabʉrʉ zesia zhãrã aribꞌaeita, aramaʉ̃ne mʉ bebura diaya zhãrã jõmaʉ̃bari.

Maʉ̃ne Jesúsbara ãzhi akʉ mawũãsia: Ẽdrʉira zhãrãĩtara boreke ẽã, mawũãmina Daizezebara ẽdrʉbi bꞌeya, ne jõma boreke baera Daizezeitara.

Mawũãĩ Jesúsbara mawũãsia: Wãrũã, bʉra soidꞌu kꞌobꞌʉba ẽdrʉbʉrʉa. Audre ẽãne ne ũdusia, mawũẽ Jesús kꞌaidꞌu tebasia odꞌe.

Aramaʉ̃ne Daizezeba ãba bꞌʉdꞌara zhi ãmabiidꞌe bꞌʉ ẽã zhãrãbara.

Mawũãĩ Jesúsbara ibiadꞌe akʉpe mawũãsia: Bʉara ne abꞌa aribꞌaeita wãẽã bꞌʉa. Mawũẽ wãpe, bʉzha ne erubꞌʉta jõma nendope, platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua bebudꞌe basiidꞌu.

Mawũẽ Jesúsbara mawũãsia: ¿Bʉara mʉã kꞌãrẽta oita krĩñape? Mawũãĩ daʉbꞌerrea bꞌʉbara mawũãsia: Miã Ũrãgꞌabari, mʉta ne ũdubirua.

Mawũãmina marã mawũã duanaĩne bꞌʉ ẽã, awuarabʉrʉ marãnebema zhi zromata bꞌa krĩña bꞌʉra bꞌaibara dewaraurãta aribꞌaebarita.

Mʉã wãrĩnu marãã jaraya, iabꞌaʉba Daizezeta Nokꞌodꞌebemata wũãwũãne kĩrãkꞌa krĩcha ẽbʉrʉ maʉ̃nebemanerã edꞌa wã ẽã.

Mawũãmina bio zhi zromata bꞌera zhi zroma ẽãta duaneña, waya zhi zroma ẽãta bꞌeta zhi zromata duaneña.

Mawũãmina jẽdeuba osidꞌera zhũmakĩrãta, wũẽrãta osia Daizezebara. Maʉ̃neba zhũmakĩrãbara ãmaẽ bꞌʉa zezera, papara, aramaʉ̃ne izhi wũẽrã ũme pane bꞌʉa. Aramaʉ̃ne ũmeta kꞌakua abꞌa pane bꞌʉa, mawũẽ ya ũme ẽã, awuarabʉrʉ kꞌakua abꞌabaia.