Popular Bible Verses from Mateo 18

Share

Mawũã aribꞌaeya mʉ pẽwã panʉta ũme o ũbea ãba kꞌopanʉ maẽrã mʉrã mama ãzhidꞌe edꞌa bꞌʉ baera.

Dewara mʉã marãã jaraya, marãnebemata ũme naʉ̃ druadꞌe krĩcha abꞌarika zedꞌape ne bariduta widꞌidꞌara, aribꞌaeya mʉ Zeze ʉ̃tre bꞌʉbara.

Mawũãnaĩ Jesúsbara wũãwũãta trʉ̃pe ãzhi ẽsadra kꞌobꞌʉpe, mawũãsia: Mʉã wãrĩnu marãã jaraya, bia ẽãrã idu bꞌʉdꞌape marãta wũãwũãrã kĩrãkꞌa zhi zroma ẽãne duanu ẽbʉrʉ, edꞌa wãna ẽã ʉ̃tre Daizezeta Nokꞌo maẽrã.

Aramaʉ̃nerã naʉ̃ wũãwũã kĩrãkꞌa zhi zromane bꞌʉ ẽãta zhi zroma Daizezeta Nokꞌodꞌebemanerã.

Mʉnebemata ĩjã bꞌʉdꞌeba bariduba naʉ̃ wũãwũã kĩrãkꞌa bꞌʉta bia edabʉrʉra mʉta bia edabʉrʉa.

Mʉã wãrĩnu marãã jaraya, naʉ̃ druadꞌe marãba kꞌãrẽ idaribidꞌa ẽãrã Daizezebidꞌa idaribi ẽã ʉ̃treuba. Naʉ̃ druadꞌe marãba kꞌãrẽ idaribibʉdara Daizezebidꞌa idaribiya ʉ̃treuba.

Mʉ Zeze ʉ̃tre bꞌʉbara marãta aramaʉ̃ kĩrãkꞌa oya, marã abꞌa abꞌaʉba soidꞌu bedꞌea ne ẽãne edadꞌa ẽbʉrʉ marã mebẽrã marã bĩ ẽã obʉdata.

Bariduba iabꞌa kꞌazhiruadꞌe bꞌaebibʉrʉta za zhi zromarã ẽãta mʉnebema ĩjã bꞌeta mawũã ora, maʉ̃ Daizezebara pua kꞌawua oya. Mawũẽ biga bakꞌausia osidaudꞌe yuta tãjʉ̃nape tabuedꞌaita pusa nabuadꞌe.

¿Marãma sãwũãpe? Iabꞌaʉba oveja cien erubꞌʉta abꞌa aduara, ¿zhi noventa y nueve kꞌatumane ãzhi duanubada maẽ ãmaẽpe aduadꞌata meã jʉrʉ wã ẽka?