Popular Bible Verses from Mateo 14

Share

Mawũãmina zarea pʉ̃ãdrʉ nʉmʉta akʉpe perasia, maʉ̃ne tabʉsadꞌewai bꞌia mawũãsia: ¡Nokꞌó, mʉrã kꞌarebarua! Aramaʉ̃ta Jesúsbara juwuadꞌe jidape mawũãsia: ¡Bʉra soidꞌu kꞌobꞌaita wãẽã bꞌʉa! ¿Kꞌãrẽã teba bꞌe ẽãta krĩchabʉrʉ?

Mawũãmina zarea pʉ̃ãdrʉ nʉmʉta akʉpe perasia, maʉ̃ne tabʉsadꞌewai bꞌia mawũãsia: ¡Nokꞌó, mʉrã kꞌarebarua!

Aramaʉ̃ta Jesúsbara mawũãsia: ¡Wãniguaudua, mʉta taia, perarãũdua!

Mawũãĩ Pedroba panaʉ̃ mawũãsia: Nokꞌó, bʉta taibʉrʉ mʉta bʉma wãbirua do ʉ̃rʉ̃. Mawũãĩ Jesúsbara mawũãsia: Zerua. Mawũãĩ Pedro jãbadꞌeba udꞌubꞌaepe do ʉ̃rʉ̃ tebadꞌewasia Jesúsma.

Mawũẽ jãbadꞌe kꞌopanʉbara orradꞌape ibia jara mawũãsidꞌa: Bʉra wãrãne Daizeze Warra.

Mawũãnaĩ Jesúsbara mawũãsia: Wãnaĩrã nesidꞌa ẽã, marãba nekꞌobigaudua. Mawũãĩ ãzhara mawũãsidꞌa: Daibara nama erubꞌea pan juesoma bꞌeda ũme.

Mawũãnaĩ izhara mawũãsia: Mʉma weudua naĩnu. Mobebʉrʉ poajãrã ʉ̃rʉ̃ zhãrã jewedꞌabigape pan juesomata bꞌeda ũmeta jiraedape ʉ̃taa akʉ zhiwidꞌipe pan bꞌʉekuape diasia izha jʉrʉkuadꞌaa, mawũẽ izha jʉrʉkuadꞌabara jedꞌekasidꞌa kꞌabanata kꞌobꞌea.

Jõma jãwũã nekꞌosidꞌa, adꞌubadꞌapeadꞌata zhi bꞌʉgʉzoamata jʉrepesidꞌa jamara doce bira.