Popular Bible Verses from Hechos 2

Share

Mawũãnaĩ Pedrobara mawũãsia: Kꞌazhiruara ãmape Daizezeta pẽwãũdua, mobe Jesucristo trʉ̃neba buru kꞌoeudua kꞌazhiruata biodꞌeba Daizezeba bedꞌea ne ẽã duanebimarẽã, mawũãrã jidadꞌaya Jawurebiata.

Mobe Jesúsba zokꞌakuadꞌa ũrãgꞌadꞌe duanesia, aramaʉ̃ne zhiya ãba duane bꞌʉta Jesús bebu krĩcha pan pewa kꞌo duanasia, zhiwidꞌi duanasia.

Aramaʉ̃ne Jawurebiaba birabʉdaba bedꞌea awuara bedꞌeasidꞌa, Jawurebiaba jarabibʉrʉta jara bedꞌeasidꞌa.

Maʉ̃ne aritiaudꞌe ʉ̃treba nangu kĩrãkꞌa uga zesia, de jõma maʉ̃ba uga nʉmesia ãzhi duanu maẽ. Maʉ̃ne tebʉ kĩrãkꞌa eradrʉ ũdubʉdata eradrʉsia ãzhi buruza. Aramaʉ̃ne Jawurebiaba birabʉdaba bedꞌea awuara bedꞌeasidꞌa, Jawurebiaba jarabibʉrʉta jara bedꞌeasidꞌa.

Ewariza ãba duane bꞌasia Daizeze dedꞌa ewara maẽ, ãzhi dedꞌara zhiko ãbaʉba kꞌo bꞌeasia bꞌʉsridꞌa sobia. Daizezera ibia jara bꞌeasia, ãzhira kʉãgꞌade basia zhãrã jõmaʉ̃ba. Maʉ̃nerã Nokꞌo Jesúsbara izhidꞌebema ĩjã bꞌedꞌe edꞌa ewariza zebi nʉmasia zhi ẽdrʉdꞌaita bꞌera.

Daizezebara mawũãsia: Ewari jõĩta nʉmebʉrʉdꞌera mʉ Jawurebiara mʉãrã diaya zhãrã jõmaʉ̃ã. Mawũẽ marã warrarãbara marã kꞌaurãbara jaradꞌaya mʉã jarabibʉrʉta. Kũrãrã marãneã mʉãrã ne ũdubiya kꞌãĩmokꞌaradꞌe kĩrãkꞌa, zõrãrã marãneã mʉãrã ne ũdubiya kꞌãĩmokꞌaradꞌe.

Jesúsdꞌebema ĩjãnapeadꞌara ãba bꞌeba ne jõma erubꞌeasia jõmaʉ̃ĩta. Ẽjũã ãzhidꞌera, ne ãzhidꞌera nendodꞌape platara abꞌa abꞌaʉa dra bꞌeasia zhi nesidꞌa kꞌawua.

Nokꞌo Jesúa zuburia bedꞌeabʉdara ẽdrʉdꞌaya.

Ʉ̃madaura pãrĩguya, jedꞌekꞌora wa baya, Daizezeba kꞌawua okuai ewarita zei nawedꞌa mawũã totoya, maʉ̃nerã ewarira zhi zromata kĩrãwãrẽ baya.